قصة:مـن قال..البعيد عن العين بعيد عن القلب..؟ من تأليفي

[فديـ ظفارـت]

السلامـ عليكمـ ورحمـهـ اللهـ
هلاويـ وغلاويـ







قصه: من قال..البعيد عن العين بعيد عن القلب..؟

تأليف
:فديـ ظفارـت
اللهجه:الظفارية



اهــــــم الشخصيات



:


في السعاده بالاجزاء الاوليه





عائله بوزيد



...ام زيد



عوض



:قبل الاخير وهو وسيم من صغره وشخصيه ومايحب حد يزعل شخص غالي عليه...وكله عقل وكلام...في بدايه القصه بيكون عمره14 سنوات...وبعدين لمايكبر بيكون 19 سنه



محسن



:هذا اخر العنقود...اكبر ملسون...وعنيد وراسه يابس تقوله يمين يقولك شمال...بس في داخله حنيه...في بدايه القصه بيكون عمره 12 سنه...وبعدين لمايكبر بيكون17 سنه



حسام



:هذي ثاني واحد بالعائله...عاقل ورزين...وله من عناد محسن...طيب وصاحب واجب...في بدايه القصه بيكون عمره 17 ...وبعدين لما يكبر بيكون 22 سنه



زيد



:هذي البكــر اول فرحه العائله...رزين كثير وثقل...واذا كان من حول الي يحبه ياخذ راحته ويكون كول...طيب...في بدايه القصه بيكون عمره 19...وبعدين لما يكبر بيكون 24 سنه



.............



عائله بوسالم



...ام سالم



سالم



:البكر وهو بن عم زيد وخوانه...لكن بس من القبيله..وهو صاحب زيد روح بالروح واكثر من أي حد ثاني...يعرف اسراره وكل شي عنه...وهو صديق الطفوله...شخصيه وخلق واخلاق...والناس كلها تشهد عليه...متزوج...في وسط القصه بيكون عمره 24 سنه..


ندى



:خت سالم...حلوووه كثير وشاله من صفات سالم خوها في قوه الشخصيه والطيبه والامانه...وكشخه وفرفوشه...في وسط القصه بيكون عمرها 19 سنه



.....



عائله بوعبدالله



...ام عبدالله



غاده



:هذي اخر العنقود وسكر البيت المعقود...عسوله وتنحط ع الجرح...ذوق واخلاق مشالله...وحنونه ودلوووووووعه..في بدايه القصه بيكون عمرها 12...وبعدين لماتكبر بيكون 17 سنه



عبدالله



:هذا البكر...شيخ البيت مثل مايلقب...له هيبته وله شبه كبير من جده...قوي الراي...وشخصيه...في بدايه القصه بيكون عمره 19...ولمايكبر بيكون 24 مثل زيد...



محمد



:هذا بعد عبدالله...حبوب مايحب يزعل حد وهو دايما مصدر الراحه والابتسامه مثل غاده خته...في بدايه القصه بيكون عمره 17 سنه..وبعدين لمايكبر بيكون 22 سنه



سعيد



: وهذا بعد محمد...وطالع عكسه مال مشاكل وواذا حد زعل منه يجيه تانيب ضمير بس مايعتذر بسبة كبرياءه...لكنه طيب ومش باين ع اسلوبه...في بدايه القصه بيكون عمره 13..وبعدين لما يكبر بيكون 16 سنه



.........



عائله بوحمد



...ام حمد



مروان



:ذكي ومايشل بقلبه ع حد وسيم بشكل كبير وواثق هو من هالشي..يحب يساعد الناس ويكره الي يكره من يحبه...في بدايه القصه بيكون عمره 14...وبعدين لما يكبر بيكون 19 سنه وهو في سن عوض ولد عمه لاح !



حمد



:خو مروان البكر والوحيد...حبوب ومعروف بين الناس..صاحب واجب وصاحب راي مايخيب...حليو وطيب...في بدايه القصه بيكون عمره 16...ولما يكبر بيكون 21 سنه وهو دايما يكون مع حسام بن عمه



خلود



: هذي ختهم الوحيده...حليوه كثير كثير وطيبه كلها حنان...تحب غاده وتعتبرها اختها..ودايما تكون معها وتعرف كل شي عنها...في وسط القصه بيكون عمرها 17 سنه



........



عائله بوطارق



...ام طارق



منى



:هذي يسموها صاحبه الحظ الردي...دايما تصير لها مواقف تفشلها..مع انها طيبه وماتستاهل...حلوه كثير...وتحب البحر مره..في وسط القصه بيكون عمرها 17 وهي بنت خاله غاده



اميره



:هذي اصغر من منى بسنه...حبوبه ومشاكسه...تحب تزور كل الاماكن...وعسوله...في وسط القصه بيكون عمرها 16 سنه



كوثر



:هذي بعد طارق..عاقله وناجحه في حياتها وحظها حلو عكس منى...وطيبه حلوه...في وسط القصه بيكون عمرها 19 سنه



طارق



:هذي البكر...قوي الملامح وتبينه متكبر مع انه متواضع وطيب...في وسط القصه بيكون عمره 22 سنه وهو في سن محمد خو غاده..



بدر



:اخر العنقود وبعد اميره...والكل في البيت يحبه ويخاف عليه...لانه مصاب بمرض السكري...حلو وحبوب...ومايحب يبين انه تعبان من شي...شخصيته قويه وعاقل...في وسط القصه بيكون عمره 14 سنه وهو وسعيد كانوا بنفس الصف...




][



في لخبطه بتحسون فيها لكن مع القصه بتفهمون خخخ ][



اهم الشخصيات



:


في عوقد بالاجزاء الوسطيه





بوزيد



+عوض ومحسن وحسام وزيد وام زيد



اهم الشخصيات



:


في ابوطبي بالاجزاء الوسطيه

ام عبدالله وعبدالله وبوعبدالله ومحمد وسعيد وغاده





الشخصيات الي من الامارات والسعوديه في حاره بوظبي



...



اهل الاماراات



:مبارك+عوض+بوسهيل+ام سهيل

سهيل



هذا مرحوم مات وهو فيه مرض فقر الدم



اهل السعوديه



:بندر+خالد+بوخالد+ام خالد



المقدمهـ



:


في جنــة الخليج ودانــة الكون كلهـ


,, صلالهـ ,, صارت احداث هذي الروايه الي بتقرونهـا ,, وكلهـا من نســج الخيــال الي راودنــي ,, ولا لها من الواقع وان حصل تشابهـ فمـا هو الا صدفهـ

بعــون الرحمــن نبدي...

[فديـ ظفارـت]

....
البدايــــــــــــــــــــــــه...

الموقع: حاره من حارات السعاده عام 2000
الوقت: الساعه 4 العصر




(كانت غاده بتحفظ آيـــه لان بكره كان عليها تسميع...كانت صف خامس ابتدائي...وبعدين يوم حست نفسها حافظه الايه زين...طلعت بره الحوش لان كان عوض بيصيح عليها وهو صف اول اعدادي...)


عوض:تعــالي ليش جالسه داخل بتشوفين رسوم..؟

غاده:لا كنت بحفظ آيه علينا تسميع بكره

عوض:بغيتني اسمع لش..؟

غاده ابتسمت:ايوه...لحظه بجيب الكتاب..(وركضت لداخل تجبه)


(جلس عوض بيسّمع لها وكانت حافظه االايه الا في نهايه الجزء المحدد تغلط كل مره...)


عوض يقاطعها:لالا عيدي

غاده:اوووف ماعرفت والله اني حافظه

عوض:انزين ذاكري عاده

غاده:بغيت العب...تعبت

عوض:اني الحين بروح مع مروان لحديقه السعاده...


(هذا مروان بنفس سن عوض وهو يكون بن عمه "لاح"..)


غاده:بغيت اروووح

عوض:ماشي بنات..! كلنا بنكون صغيرين (اولاد)

غاده بحزن:بغيت العب نطناطه

عوض ابتسم:انزين ايش رايش بكره بشل سيكل شيران وبوديش الحديقه اني وانتي..؟؟



(شيران هذا هندي مال دكان حارتهم ^_^...)


غاده بفرح:الله حلوو ايوووه ايوه بغيت

عوض:انزين اليوم خليني اروح مع مروان اووكيه..؟

غاده:زين روح بلعب مع اميمه



(اميمه هذي بنت جيرانهم...وراح عوض يوم جى له مروان وكل واحد سار بسيكله لان الحديقه مش بعيده...اما غاده جلست بتذاكر شويه وبعدين حطت الكتاب في الدرجه وراحت عند جيرانهم ودقت عليهم الجراس ولعبت مع اميمه في الحوش...وفي بيت بوعبدالله أهل غاده...كانت ام عبدالله بتسوي معجــين...وبو عبدالله ماكان موجود لانه راح الدهاريز يجيب خبز ثخين...)


اليــــــــوم الثانــــــــي:


الموقع: حارة السعاده

الوقت: الساعه 6 الصبح



(كان محسن نايم وبجنبه عوض وهم في حجره وحده...اما حسام وزيد خوانهم في حجره...وكانت الشغاله بتنظف الصاله بالمكينه...الي قام ع صوتها زيد وهو طفشان ورايح الحمام...)


ام زيد فوق راس عوض ومحسن:قومــوووا يالله مدرسه...حدكم نوم يالي ماتشبعون منه !

محسن بقهر:هيـــــــــــــيييي عادها الساعه ست

ام زيد:واذا الساعه ست ماشي صلاة ورايكم لاه..؟

عوض:زين الحين بنقوم

محسن:سكري الستاير الحين بتطلع الشمس

ام زيد بعصبيه:ويومك عارف ان الشمس بتطلع قوم صلي ولحق صلاتك

عوض بيضحك من قهر:ههههههه والله ربشتينا يايمه

ام زيد عصبت:اقوووولكم قومووووووووا

عوض:هههههههههههههه زين زين...(ويوجه كلامه لـ محسن)..محسن قــــــــــــــوم يالله



(وراح الحمام يغسل وجهه ويوم طلع حصل زيد طالع من البيت..)


عوض:بتروح المسجد..؟

زيد:ايوه قّوم محسن اللوح خليه يقوم يصلي ولحقوا صلاتكم

عوض:زين



(دخل عوض الغرفه مره ثانيه وكانت بارده مثل الثلج لان المكيف مفتوح وحصل محسن بدون فراش يغطيه..لان ام زيد عصبت عليه ورمت بالفراش عشان يقوم خخخ..جــى عوض ولف منشفته وضرب بها محسن ع وجهه...)


محسن عصب: الله ينعلك يالـ.....

عوض بيضحك:ههههههههههههههه وجاااع هاه..؟...رززززح

محسن بعصبيه:أحترف من وجهي

عوض بصوت قوي:قـــــــــــوم صلــــــــــي لاه..وبعدين وراينا دوام..بــــــــــسرعه

محسن ضحك:ياخى رجال البيت ياخى خخخخ غبزك



(بـــــــــــعد شويـــــــــــــــه...)


عوض بيضحك:يامحسن مالك حاجه والدي رجع من المسجد خخخخ



(قااام محسن بسرعه ع صوت والده وهو بيصيح عليه...وبيساله اذا قام ولاعاده نايم عشان يجي و يوريه شغله ههههه...)


محسن بخوف:لالا قايم قايم

عوض بصوت واطي بيقلده:لالا قايم قايم ههههه

محسن بصوت واطي:تشب تشب



(بعـــــــــد ساعه كل واحد راح دوامه الا محسن فاته الباص...)


ام زيد من عند باب الحوش:وارك جالس مارحت..؟

محسن:سار الباص...احد الله كأن بيموت اذا صبر شويه

ام زيد بتحاكم:لانك بتتملق لك ساعه..انزين ايش بتسوي الحين...ياويلك اذا اوبك درا بك ماسرت

محسن:عارف...بدقها رجل للمدرسه

ام زيد:هههه تستاهل عشان مره ثانيه تقوم اذا حد قومك...يالله عادي المدرسه قريبه

محسن وهورايح:ايوه ضحكي ههههه يالله مع السلامه

ام زيد:هههه انتبه ع نفسك...دحر السهاله



(بعــــــــــــــــــــــد مرور ساعات الدوام...وفي خروج المدرسه الشباب...وبالتحديد في باص المدرسه...اخر سيت...)


عوض:ههههههههههه زين انك جيت...ع بالي بتشلها عذر

محسن:هههههه ولا حد يستانس ع والدي

عوض:هههههههههههههه الله بالفوله



(وصلــووا البيت وكانت الساعه وحده بالضبط...وعائله بوزيد ع سماط الغداء...)


بوزيد:اليــوم بيخبرني بوعمر ان ولد حمد بن سالم زوجته ربت

ام زيد:والله...الله يبشرك بالجنــه يارب...يستحقون سلامتها

حسام:منهـــو ولد حمد..؟

بوزيد:سالم ماعد عرفته..؟؟

زيد بيكلم حسام:هاك الي اشترينا من عنده الدراجه..هاك الي اربع وعشرين ساعه اني وياه مع بعض

حسام:ااااااه ايوه عرفته اني اعرف من هو بس شكلت...ووووهاك قده اوب هههه...والله العمر بيمضي

عوض:منهووو منهووو..؟؟

زيد بيكشم:ماتعرفه انته ماتعرفه !

محسن بيضحك بصوت واطي:هههه

عوض بنظره:محسن تغدي فدى عمرك انزين تغدي

محسن فهم قصده:ههههههههههههههههههههههههه



(وبعد الغداء نام بوزيد...وحسام وزيد طلعوا من البيت مع صحابهم...اما عوض كان جالس في الحوش حاجر لـ غاده عشان يشوف اذا تريد يشلها الحديقه اليوم او لاء...ولمحها بتلعب بالطين وجى عندها...)


عوض:بتسوين ايش..؟

غاده:بسوي كور مال طين وبخليهن يجفن

عوض:هههه اها...ليش بيلعبون "ضربنـي" بعدين..؟



(هذي لعبه ضربني مسمينها كذا في الحاره...يتقاتلون بكور الطين الجافه خخخ...)


غاده:لاء اليوم انته قلت لي بتوديني الحديقه..!

عوض:ههه اها يعني تريدين تروحين..؟

غاده:ايوه بغيت قد وعدتني

عوض:انزين بروح عند شيران



(راح كم من خطوه وبعدين تحالى فيها وقالها...)


عوض:بتجين معي..؟

غاده ابتسمت:ايووه خلا..(وعدت لعنده وهي بتنظف يديها من الطين)



(ساروا عند شيران صاحب الدكان...اشترى لها فوش وايس كريم مال اشارات المرور وبعدين شل سيكل شيران لحوشهم وكانت عنده...وجى ع صوتهم في الحوش وهم بيتكلمون محسن...ومحسن يكون في نفس سن غاده...)


محسن:بتروحون وين..؟

عوض:بشلها الحديقه قد وعدتها

محسن:ليش ماخبرتوني..؟

غاده:انزين تعال بسيكلك

محسن:اوووكيه بتبعكم



(جى معاهم محسن وراحوا كلهم مع بعض ولعبوا بالنطناطه ع حساب عوض...لان هو الي كان معه الفلوس...وبعدين يوم دخل الليل عليهم كانوا راجعين في الشارع وهم بيسمعون صوت الاذان مال المغرب...)


عوض بيكلم غاده الي قدامه:ارتحتي..؟

غاده بفرح:وااااااااااجد

عوض ابتسم:ههههههه زين

محسن من ورايهم:ايييييه اييييييييه لحظه حجروا لي ليش بتطيرون..؟

عوض ابتسم لها بشقاوه:بغيتني اسرع..؟

غاده بشقاوه اكثر:هههه ايوه

عوض مبتسم:مسكيني زين...(ويسرع بالسيكل)

غاده:هههههههههههههههههههههههه بس بس خفت

عوض:هههههههه اه يالخوافه مش انتي قلتي ايوه

غاده بتضحك من خوف:ههههههههههه واااي وااااااي والله خووف هههه خلاص



(عوض وهو بيضحــك عليها ما انتبه ع الطابوقه الي كانت قدامهم...والي خلت السيكل يميل حتى اقتلب عليهم...وبكت غاده لانها طاحت في الحجوار وقام لـ عندها عوض...وتبعه محسن خايفين عليها...)


عوض باهتمام:غاده فيش شي..؟؟



(كانت غاده من كثر الصدمه ماطلع لها صوت وهي بغت تبكي...)


عوض:غاااده ايش فيش...؟؟!

غاده اخيرا:اهئئئئئئئئئئ اهئئئئئئئ اهئئئئئئ هاااااااااه اهئئئئ اهئ اااها هاااا اهئ

محسن:ليش كنت بتروح بالسيكل بسرعه..؟

عوض قفى به:بس خلاص...وين تعورتي..؟؟



(جلست غاده بتمسك ركبتها...)


عوض:اشووف



(محسن وهو بيركب السيكل...)


محسن: بروح اجيب لها ماي من عند شيران...!

عوض:اوكيه سيـــر وبسرعه تجي

غاده:اهئ اهئئئئئئ اهئئئئئئئ هااهئئئئئ

عوض:والله ماقصدي...حاسه بوجاع في ركبتش..؟



(غاده بتهز راسها ياخى "ايوه"...)


عوض:آسف...(وجلس بينظف يديها من الطين يوم طاحت)..بغيتي ترجعين البيت..؟

غاده:ااااه اهئئ اهئئئئ لاء لاء هئئئئئ

عوض ابتسم:انزين بنحجر محسن يجيب الماي انزين..!

غاده:اهئ اهئئئئئئ اهئئئئئئ

عوض:خلاص لاتبكين اذا بكيتي بعدين بتتعورين زياده

غاده:اهئئئ والله اهئ

عوض:ايوه حتى والدي قالي

غاده:اهئئ خلاص ماببكي

عوض:شاطره..انتي اشطر وحده في صلاله كلها

غاده ابتسمت:اهئ عارفه اهئئ

عوض:ههههههههه



(جــــــــى محسن بالماي وشربوها وحطوا ماي ع ركبتها الي كانت مشخوطه...وغسول يديها من الطين...وبعدين رجع محسن عند عمامه بيت بوعبدالله عشان يجلس مع سعيد الي اكبر منه بسنه ويعلب معه بلاي ستيشن ون...اما عوض وغاده كانوا في الدكان الي عند المسجد ورجعوا السيكل لـ شيران...وبعدين رجعوا عند بيت بوعبدالله زي ما اتفقوا مع محسن...)

يتبع...

[فديـ ظفارـت]

اليــــــــــــــــــــــوم الثاني:


الموقع:حاره السعاده


الوقت:الاربعاء الساعه 5 بعد العصر




(كـــــــــــــــــان حسام فوق اسطوح في مكانه الخاص بيشوف حارتهم وبيشوف الي بيلعب والي بيشتري والي بيسوي حركات بسيكله في التراب...وبيضحك عليهم...وبعدين سمع صوت عوض وغاده في حوشهم وسكت وسط "طالع" عليهم بهدوء...)



عوض بيسوي عماره من طين:شوووفي شوفي كيف كبيره سويتها


غاده:الله حلووو شوف بسوي مثلك




(وتحـــــاول تسوي مثله لكن ماتقدر...وطفشت...)



غاده:ماجــــــــىىى كيف سويت انته..؟


عوض بوثوق:عادي شووفي اني بوريش




(وجلس بيوريها...وحسام بيبتسم ع سوالفهم...)



عوض:شفتي كيف..!


غاده بعفويه:ههههه حلوووووووووو


عوض بابتسامه:وانتي حلوه وشاطره




(سمعه حسام واستغرب خخخ...قال في نفسه "هذي معجب فيها ولاايش خخخ"...وصيح عليهم من فوق...)



حسام باستعباط:بتسون ايش هناك..؟


عوض تحالى فوق:هههههههه بوريها كيف تبني عماره


حسام:هههههه اهااا...امي سوت كيك برتقال اذا بغيتوا


غاده:الله بغيت


عوض:انزين بجب لش...(ومسكها)..تعالي احسن




(وقامت وراحوا المطبخ لعند ام زيد...وسلمت ام زيد ع غاده تحبها مثل عمرها وتموووت عليها...لان ماعندها بنات وتعتبرها بنتها...)



ام زيد:تعالي فدى عمرش....شلي كيك تكونين كبيره ااذا كليتيه


غاده:بكوون مثل عوض..؟


ام زيد:هههههه ايوه


غاده:حلوو




(كان عوض بيكل كيك هو ومحسن مع بعض..اما ام زيد كانت مجلسه غاده عندها وبتاكلها بيدها...بعدين يوم خلصوا...رجعت غاده البيت لان صار وقت رجعوها...)



اليــــــــــــــوم الثاني:



الموقع:حاره السعاده


الوقت:الخميس الساعه 10 الصبح




(كانت غاده في الحوش يوم شافت عوض بيمشي رايح الدكان ولاجى عندها...)



غاده:يـــــــــــــاعوض..!؟


عوض طالعها وبصوت عالي:بــروح اشتــــري حنه لحبوبتي من الدكــــان وبجـــــــي


غاده:حـــــــــــبوبتي نـــــــور هنـــــااا...؟؟


عوض:أيــــــوه روحي عندها بتســــــال عــليش




(راحت غاده بسرعه قدها مشتاقه لها وتموت عليها وتشوفها مثل حبوبتها...دخلت البيت وسلمت عليها...وكانت في الصاله الي كان فيها حسام وزيد ومحسن بيشوفون مباراه مال فريقهم الاجنبي الي يشجعونه...ولما رجع عوض من دكان جلست حبوبته نور بتحني وغاده عندها بتحالي فـ حنتها...وسوت لها ورده في يدها زي ماطلبت منها غاده...وكانت غاده فرحان بالورده الي رسمت ع راحه يدها الصغيره وجلست بتوري حسام الي يحبها وجلس بيسلم ع يدها....وبعدين امها دخلت عليهم وسلمت ع حبوبتهم...وجلست معاهن...ويوم صارت الساعه11 خلصت المباراه الي بيشوفونها وطلع حسام وراح مع صحابه لـ الجبل فوق بيتغدون هناك...اما زيد كان بيروح عند جدوده هو ومحسن وعوض...)



اليــــــــــــــــــوم الثاني:



(وصــــــل خبـــــــر تاكيدي ع نقل بيت بوزيد الى عوقد في بيتهم الجديده...وانهم راح ياجرون بيتهم الي في السعاده...واكيد يوم عرفوا محسن وعوض ماكانوا موافقين لان صحابهم كلهم في السعاده...اما زيد وحسام كانوا عارفين بهالشي من قبل...ومش معارضين الظروف...)



الموقع:حاره السعاده


الوقت:الجمعه الساعه 2 ونص بعد الظهر




(كان عوض ومحسن جالسين في حجارهم طفشانين من الخبر...اما بوزيد وحسام وزيد كانوا في بيتهم الي اشتروها...كانوا بيشوفونها...ورجعــوا الساعه اربع العصر...وطلع وقتها محسن وعوض في الحاره مع صحابهم وخبروهم بالخبر انهم بينتقلون لبيت جديده في عوقد...وبعد ساعه رجعوا بيوتهم...ويوم كانوا راجعين شاف عوض غاده...وجى عندها...)



عوض:لعبتوا "ضربني"..؟


غاده:ايوه بس ماجلسنا واجد


عوض:اها...عارفه اننا بنروح بيت جديده..؟


غاده:وين..؟


عوض:بعيد في عوقد


غاده:ليش بيتكم هذي ايش فيها..؟؟


عوض:مافيها شي بس اوبي شغله صار بعيد من السعاده


غاده:يعني مابنشوفكم..؟


عوض بيخفي حزنه:ايوه..بس عادي بجي اني ومحسن عندكم كل يوم


غاده:كل يوم...والله..؟


عوض:ان شاء الله


غاده:وعد


عوض:وعد ان شاء الله




(وبعدين راحت غاده من عنده كأنها زعلت...وقام عوض مسكين ورجع البيت...وفي بيت بوعبدالله كانت غاده بتبكي ليش انهم بيروحون وماعد بتشوفهم كل يوم في الحاره...)



**بعـــــــــــــــد مرور شهريــــــــــــن**



الموقع:السعاده


الوقت:الساعه 11 الصبح




(كان في شيحنـــه بتشل كبات من بيت بوزيد...وكان في هنود كثير...ومن بينهم كان بوزيد الي بيكلمهم...وكانت غاده بتشوفهم من دريشه في الدرجه...وهي بغت تبكي...وبعدين جوا عندهم محسن وعوض...لانهم خلاص بيروحون الى بيتهم الجديده...يعني كانت شبه توديعه...)



عوض:انزين بنجي عندكم اذا قدرنا


سعيد:اوكيه زين


محسن:في الاجازه بجي عندكم وبنغفل زي كل يوم


سعيد:هههه ايوه لاتروح مع صحابك الجدود


عوض قاطعهم:وين غاده ماهي عارفه اننا رايحين الحين..؟


محمد:بسير اصيح عليها...(وراح)



(لكنها مانزلت...بــعد خمس دقايق..)



عوض:يالله محسن والدي بره...يالله ياخاله رايحين


ام عبدالله:تجووون اذا بغيتوا في أي وقت


عوض:عارفين ماحد غريب


ام عبدالله:فديت بي عليك يالله دحر السهاله...(وسلمت عليه)


عوض:مع السلامه...(ويمسك محسن ويطلعه معه خخخ)



(كانت غاده فوق بتحالي في عوض ومحسن وهم بيركبون السياره...ويوم بوزيد تحرك بالسياره..كان عوض بطالع البيت كانه خلاص مابيشوفه..وانتبه ع غاده وهي بتحالي فيه...سوى لها مع السلامه بيده...وشافوا من بعدها طريقهم...بعد هذي الاحداث..كان محسن وعوض يجون في الاجازه بس لعندهم لانهم مايقدرون كل يوم زي اول...وبعض الاجازات مايقدرون...وماكانت غاده تشوفهم كثير وصارت تشتاق لهم...تلعب مع اميمه وبس...)


**بــــــعد مرور خمس شهـــــــور**




(بقــــى ع اجازه الخريف اسبوعين...وكان حتى وصل خبــر نقــل شغل بوعبدالله الى الامارات في بوظبي...والكل عرف بهذا الشي..واكيد كان غصب عليهم كلهم...وعائله بوزيد نفس الشي عرفوا..وعيالهم ماكانوا راضين ان عيال عمهم عبدالله يروحون لبعيد...ومش أي بعد الى الامارات..بره صلاله نفسها...)



(كان بوعبدالله وعياله عندهم في البيت زياره...وعشان التوديع...ولما صارت الساعه 12 فالليل قالوا بيرجعون لان ورايهم اشغال كثيره وشنط لازم يرتبوهن ويرتبون اغراضهم...)



عوض:كي غبز ماحد بغاكم تروحون


سعيد:والله طفش كل مره نبعد من بعض


محسن:اني ماريدكم تروحون...جلس انته في صلاله ايش رايك..؟


سعيد:ياريت مابيخلوني


عوض:عور دار زايد...ياخى ايش من نحس


سعيد:يمين بالله غبز




(كانـــوا الشباب معارضين الفكره من جذورها بس غصب لازم يروحون...عند باب بيت بوزيد في عوقد...)



ام زيد:يالله انفديش نجي في نص السنه اذا الله عطانا عمر


ام عبدالله:فديت عمرش تدحرون سهاله يارب تدعوا في طريقكم


عوض بيكلم سعيد:اذا جينا نص السنه بنبيت عندكم


سعيد:ايوه عشان نعوض الغبز


محسن:ههههه ايوه


عوض بيركب السياره:انزين ماشفتها غاده..!


سعيد:مدري وين راحت..!!


محسن:شوف دور عليها بنروح الحين


عوض:ايوه كيف بنروح من دون مانودعها..؟!


غاده:اني هنااا


عوض طالعها:بتخلينا نروح بدون مانشوفش..؟


غاده بتبكي:اهئئ ليش بتروحون..؟؟!!


عوض بحزن:لاتبكين عادي بنجي لصلاله في نص السنه امي قالت


غاده:ايوه مش كفايه


سعيد:ايش نسوون شغل عمي كذا..!


غاده:ماااااريدكم تروحون اهئ اهئ اههااا اهئ


محسن بيدمع:اني بروح لـ السياره...(ركب وسكر الباب)


عوض:يالله بروح...ياويلش ياغاده اذا ماتنجحين في دراستش


غاده:بنجح بكون شاطره


عوض ابتسم:ايوه زين...يالله مع السلامه سعيد


سعيد:حياك...اتصلوا وخبرونا رقمكم


عوض:زين




(تحركوا بسيارتهم متوجهيــن الى مطار صلاله...بعــــد مدة مش طويله كثير...وصلوا الى مطار دبي...واستقبلهم واحد من معارفهم هناك عايش...وشلهم الى بيته...يومين حتى يحصلون لهم مسكن الي يريدونه خاص فيهم...)



(كانــوا يجون صلاله كل اجازه...في العيدين وفي نص السنه والخريف...الا في السنوات الاخيره...بسبب الظروف الصعبه الي كانت تواجه بوعبدالله في صحته وشغله...)

يتبع..

[فديـ ظفارـت]

**بعـــــــــد مرور سنتين**




(صار عمر غاده 14سنه...وصارت صف ثاني اعدادي...وعبدالله دخل الجامعه...وصار له سنتين بيدرس فيها...اما محمد ثالث ثانوي...وسعيد صار عمره 15 سنه...وصار صف ثالث اعدادي...ومتعرف ع اولاد اماراتين توأم اسمهم عوض ومبارك كان عندهم خوهم الكبير اسمه سهيل بس توفى...وهم بنفس سنه...ومتعرف ع واحد سعودي بحارتهم نفس الشي اسمه خالد...اما محمد متعرف ع واحد سعودي الوحيد الي في سنه والي ارتاح له اسمه بندر...ويكون خو خالد الكبير عايشين في الامارات من زمان...وكانت غاده تجلس مع بنت اسمها حمده...وهذي في صفها...وتحبها كثير كثير...)


غاده:حمده بتروحين لـ الدكان

حمده:لا ماروم (ماقدر) اسير..انتي شو تبين مناك..؟

غاده:بغيت ايس كريم

حمده:هيه عندنا ايس كريم فبيتنـا...تعالي ويايه

غاده:زين



(دخلت غاده حوشهم وغلبت تدخل لبيتهم...لان امها زمان قالت لها "لاتدخلين بيت حد غير بيت عمش بوزيد"...ومن هاك اليوم شالتها قاعده عندها...ماطولت حمده وجابت لها ختها شيخه الايس كريم مالهن...وجلست بتكلمها..)


شيخه:مرحبا غاده شحالج..؟

غاده:الحمدلله

شيخه:شعلومج...؟

غاده بخجل:بخير

شيخه:هههه فديت الي يستحون

غاده:هههه

شيخه:هههههههه اذا تبين شي قولي لي

غاده:زين

شيخه:يالله قعدن ويا بعض انا بسير عنكن



(بعــــــد شويه..دخل ولد اسمه هزاع يكون بن عم حمده...وخطيب شيخه..)


هزاع:مرحبـــااا الساع..يامعورن قلبي بعيونك الوساع

حمده:هزاااعوووووووووووووووه حبيبي

هزاع:اصغر عيالج انا تقولين لي هزاعوه..؟

حمده:هي هزااااعووووه ابــا اسير بسيارتك انا وربيعتي

هزاع انتبه:ها ربيعتج..؟

حمده:هيه اسمها غاده

هزاع:شحالج غاده...تسيرين ويانا بالموتر..؟

حمده تضرب هزاع:شووو تقول ماتفهم رمستك...!

هزاع:اهي من وين..؟

حمده:من صلاله

هزاع:هههههه ع بالي عراقيه ههههه فديتج والله ياحلوه...تريدين تروحون معنا..؟؟

غاده تبتسم بخجل:مدري

هزاع:امج توافق..؟

غاده:لاء

هزاع:ههههههه واذا سرنا شويه وردينا..؟

غاده:اوكيه بس بسرعه

حمده:هييييييييييييييييييييييه

هزاع:هههههههههه زين يالله



(شلهـــــن بالسياره مالته وداربهم في منطقتهم...وبعدين وداهن لمحل ونزلن واشترن كاوكاو ورجعوا بعدين...)


هزاع وهو بينزل:كان حلو..؟

حمده:هيه واااااااااااايد

هزاع:وغاده كيف عيبتج الدواره..؟

غاده:ايوه

هزاع:ههههههه ياحلاة ردج...يالله بسير الحينه...(وراح)

حمده:هذا هزاعوه وايد احبه

غاده:هههه طيب

حمده:الحينه تفهمين كل رمستنا

غاده:ههههه ايوه ليش قلتي له مافهم صار لي سنتين هنا

حمده:خيبه شو دراني..! ماشوفج ترمسين شراتنا ( مثلنا )


**بعــــد مرور اسبوعيــن**


الموقع:بوظبي

الوقت:الساعه 12 فالليل



(كان عبدالله بيحاول ينام لكن مايقدر..بيفكــر في الامتحان الي عليه بكره...وفي غرفه ثانيه من البيت...وبالتحديد في حجره غاده...كانت عادها قايمــه وهي بتفكر في صلاله وان الاجازه قربت مالت الصيف وانهم بيرجعون صلاله قريب...)


**بعــــــــد مرور شهـرين**


(صرنـــا في اجازه الصيف..وكان في عزيمــه ببيت بوزيد لـ عائله بوعبدالله....وكلهم جـوا...)


عوض فرحــــــان:ههههههههههه تعرف هناك مايتقاتلون كثير زينا في الحارات

سعيد:عاقلين مش نحن مجانين خخخ

محسن:هههههههههههههه



(وبعد شويه جت غاده ومعها عبدالله خوها ماسكها...شافها عوض...)


عوض:اوه غاده تعالي جلسي عندنا

غاده جت:كيف الحال..؟

عوض:هههه الحمدلله اوه الناس عقلوا ياخى

غاده:هههههههه

عوض:كيف الدراسه هاااه كم علاماتش زينه..؟

غاده:ايوه زينه

سعيد:بس بس غبزكم

محسن:هههههههههه



**بعـــــــــــــــــد مرور سنــه**


الموقع:بوظبي_الكورنيش

الوقت:الساعه 4 العصر



(كانت عائله بوعبدالله بتفرجون ع كورنيش بوظبي ونزلوا...اما غاده كانت معصبه وتريد ترجع صلاله حتى انهم يوم نزلوا جلست في السياره طفشانه...وفي هذي السنه صار عمرها 15 سنه...وقد خلصت ثالث اعدادي...)


ام عبدالله بتكلمها:تعالي شويه خلي العناد مالش

غاده:مااااااااابغيت

ام عبدالله:انزين جلسي ماخزيتي الا عمرش

غاده:والله برجع صلاله في نص السنه وحدي اذا مابترجعون

ام عبدالله بتمشيها:زين زين




**وبعد مرور شهــر**


(جت اجازه نص السنــه...وماحد كان بيرجع الى صلاله لان صار لهم ظروف وماقدروا...والي راح كان عبدالله ومحمد...اما سعيد وغاده ماراحوا...)


غاده معصبه:بغييييييييت اروووح بغيت ارووووح

ام عبدالله:مابتروحين لان سعيد مابيروح ولابتجلسين لي في صلاله وحدش من دوني

غاده:ماااااااريد اجلس هنااا مااااااااريد طفشت بغيت ارجع صلاله

ام عبدالله:قلت لش مابترجعين تفهمين ولالاء..؟

سعيد:اوف محبوسين هنا..!

ام عبدالله:طلعوا ااذا بغيتوا تروحون اتصلوا في السايق يشلكم

سعيد:بروح وين ؟ صحابي كلهم رجعوا مناطقهم

ام عبدالله:والله كيفكم جلسوا انزين في بقعتكم مش شرط عليكم المرواح من مكان لمكان

سعيد:برووح اجلس بره



(طلع سعيد بره وجلس بيلعب بكورته...اما غاده طلعت معصبه فوق لحجرتها وجلست بتشوف تلفزيون...وطفشوا ثنينهم دخل سعيد وطلعت هي من غرفتها وجلسوا بيلعبون بلاي ستيشن مع بعض...)


يتبع...

[فديـ ظفارـت]

**بعد مرور سنتيــن ونص**



(طلب بوعبدالله اجازه من شغله استراحه له بسبب حالته المرضيه..ووتخرج عبدالله من الجامعه وصار بيشتغل في الشارقه...اما محمد ودوه بعثــه يمكل دراسته بره في امريكا...وسعيد صار بكليــه...اما غاده عليها تشد لان هذي السنه لازم تجيب مجموع لانها ثالث ثانوي...)



الموقع:بوظبي_مدرسه عائشه بنت ابي بكر


الوقت:الساعه 9 ونص




ميثه:اوف وايد وراي اشياء لازم اسويها...حشى مارحمتنا الابله


حنان:شو يعني تبانا نيب لها الكواكب والمجرات.!


ميثه:اووونه شووو "سون مجسمات"...هب احسن بعد تقول لنا عندكم واجب...باخذها عند سعيدان اخوي يوريها دواها


غاده:لا اله الا الله اوووف اووووووووووووووف تعبت والله تعبت


حنان:شووو فيج..؟


غاده:ماشي بس ماهي حاله علينا...صرت دحاحه عندكم


ميثه:هههههههههه انتي عمانيه مفروض ذبحين نفسج بالدراسه هههه


غاده:هههههههه ايش اسوي مشكلتي من صلاله ماحب اذاكر ههههه


حنان:هههههههههههههههه


ميثه:غاده تعالي ويايه بنسير عند ابله بدريه خليها تعيد لنا الامتحان


غاده:خبرتها قالت "ماحد قالج انتي وميثه لاتذاكرن" وقالت "امشن ع سوالفكن في الحصه بتشوفن العلامات كيف تنزل"


ميثه:هييييييي قالت لج جيه..؟؟؟


غاده:والله العظيم


ميثه:والله مانسولف وايد


هند تقاطع:سكتن سكتن مافي شراتكن (مثلكن) في السوالف يوم اتيكن فرصه


غاده:والله مانسولف كثير


ميثه:هذيك نسرره


غاده:اصلا ماوراها غيرنا تريد تطلع مننا شي


حنان:هههههه ياااويلي




(وهذي حالة البنات في المدرسه...وفي نهايــه الدوام..)



الموقع:بوظبي_ساحه مدرسه عائشه بنت ابي بكر


الوقت:الساعه 1ونص




(كانت غاده بتلبس عبايتها...وحنان وميثه وهند حاجرات لها عند الباب مال الصف..)



ميثه:ياربي ماروم عليج...يالله غادووه خلصي


غاده:اسمي غاده مش غادوه


حنان:يالله تعصب يوم حد يقولها جيه


غاده:هههههههههه لاماعصبت


هند:اليوم رايقه ما عصبت


ميثه:لااصلا مايطاوعها فؤادها تزعل عليه...انا ميثوه الغاليه..(وتغمز لها)


غاده:ههههههههههههههههههههههههههههه مصدقه روحج لاه..؟


حنان:هههههههههه وريها دواها يالظفاريه


هند:هههههههه لاتسمعين رمستها هاي ثور


غاده خلصت:ههههههه..يالله مشينا


ميثه تمسك غاده:تعالي بخاويج للباب


حنان:ههههههههههه


هند:ياي ع العرسان خخخخ




(كان هذا يوم الخميس...وكان اخر يوم دوام...وتواعدن يروحن الوافي سنتر مع بعض...)



الموقع:دبــي_الوافي سيتي سنتر


الوقت:الساعه 4 العصر



ميثه بتكلم حنان:طالعي هناك...هذيك مريم


حنان:هيه شفتها...يالسه مع منووه..؟!


هند:اوف عليها حشى لله رازه ويها


غاده:منهــي..؟..ااايه لاتشوفكن


حنان:مبرقعات ماراح تعرفنا هههههه


ميثه تكلم غاده:طالعي هذيك البنيه...شفتيها..؟


غاده:شفيها..؟


ميثه:هذي كانت ترمس سعيد اخويه..وتركض وراه


غاده:ههههههههه قويه ما شاء الله


هند:يرتفع ضغطي لي لمحتها


حنان:عادي هب غريب عليها امها مو من هني


غاده:ااه من وين انزين امها..؟


ميثه:امها مصريه وكانت مسيحيه بعدها


غاده:اوووه الله..!


ميثه:هي شفتي..اوف اكرهها تلوعني وايد


حنان:هههههههه وانتي مين الي مايلوعج خخخ


ميثه:ههههههه مالت ع ويهج


هند:قولي لها ويهي حليو ههههه


غاده:ههههههههههههه بس بس...خلا بنروح هذا المحل...(وتاشر عليه)


ميثه:انتي شوو سالفتج ويا العبايات والشيل..؟


غاده:ههههههههههههههه اموت عليهن...ياخى خليني اكشخ


حنان:هيه والله شو فيج عليها...تعالي فديتج بسير وياج


غاده سوت "حره" بيده لـ ميثه:يالله نروح عنها هذي النسره


ميثه:ياسواد الويه..انا نسره...؟؟؟


حنان+غاده+هند:ههههههههههههههههههههههه




(بعـــــــد مرور ساعتين...كل وحده ودعت صديقتها ورجعن البيت..وفي بيت بوعبدالله...كانت غاده جالسه ع المنتدى...وقدها خلاص مشتاقه لــ صلاله موت وهي بتشوف الصور الي منزليهن...ودخل عليها سعيد...)



سعيد:يش امي قالت لش تعالي كلي خبز وشاهي


غاده:مابغيت


سعيد:شووو فيج ههههههههه...(ويجلس يصفع خدها)


غاده:غبزززك جلـــــــــــــــــــــس


سعيد:هههههه زين طز فيش...(وطبق عندها)...ههههه عشان كذا ماتريدين تجين شفتي صلاله


غاده:سير من وجهي


سعيد:عشان اوه قالوا بيتنا


غاده:انزين نزل بتبعك


سعيد:شاااطره يالله لاتتاخرين جالسين بنشوف طاش ماطاش


غاده بحسره:قد بــــــــــدااء..؟؟؟...وماتخبروني.!


سعيد:خبرتش الحين هههه..(وسكر الباب)



(قامت غاده بسرعه عشان تنزل وتشوف طاش ماطاش...)



اليـــــــــــــــــــــــوم الثاني
...



الموقع:عوقــــــد_بيت بوزيد


الوقت:الساعه11الصبح




(كان زيد وحسام في الصاله بيتفطرون خبز تاوه مع عسل...عشان يتسبحون ويلحقون صلاة الجمعه...اما محسن كالعاده بو النعاس ماقام..وعوض عنده في حجرته بيحاول يقومه من النوم...)



عوض:يامحسن قوووم...يالشيبه قووووم...يالطيره قوووم


محسن بطفره:اوووووه بعدين بعدين


عوض:بعدين ايش..؟ قووم تسبح اليوم جمعه..ماعد شي وقت لتملاق مالك !


محسن:انزين بقوم والله بقوم


عوض وهو رايح:بسرعه قوم اريد ارجع اشوفك قايم


محسن:زين روح




(طلـــــع عوض وسار جلس بجنب زيد...وجلس بيكول الخبز ماله وهم بيشوفون مسلسل سوري الي كانت ام زيد بتابعه...وبعد خمس دقايق قام محسن من *نومة اهل الكهف* اخــــــيرا...)



محسن بيعرك عيونه:ايه بغيت افطر عاده


ام زيد:اول غسل وجهك واالاكل مالك قده جاهز


محسن:غطي عليه بيبرد


حسام:ههههه حاجر لك اصلا قد برد من ساعه




(وراح محسن الحمام وهو بيترنح من النعاس والنوم الي ماشبع منه...بعــــــــد ساعه قدهم الشباب بيلبسون دشاديشهم ورايحين المسجد الي قدامهم...)




(بعد مرور ساعتين..)



(كانت ام زيد بتتكلم في التلفون وعندها محسن وعوض جالسين بيسون لوحه بيحطها محسن في الصف ماله...)



ام زيد:وصح قالوا في عندهم محل تحيرين فيه اسمه سويت ليدي..؟


من الجهه الثانيه..ام عبدالله:أيـوه هذي في مركز حمر عين من هناك نسير له


ام زيد:والله شغلهم قالوا تمام التمام


من الجهه الثانيه..ام عبدالله:يالله يشهد عليهم كل الناس..قماشهم زين وتشكيلاتهم كشخه


ام زيد:وهذي حمر عين وينهو..؟


من الجهه الثانيه..ام عبدالله نست:والله مادريت يمكن يكون في دبي


ام زيد:دبي بيكون.....



(انتبــه محسن ع كلمه دبي وجلس بيطالع امه...وانتبه عليه عوض الي يريد يعرف ايش فيه وقف!..)



عوض:كمل لاه..!


محسن:امي بتكلم خالتي فاطمه


عوض:اه...انزين كــمل كمل اني بجي




(وراح عوض لحجرته الي بابها عند الصاله وجلس بيسمع امه ايش بتقول...)



ام زيد:وغاده كيفها..؟


ام عبدالله:بخيرها قدها معصبه علينا يوم ماجينا صلاله


ام زيد:الله يساعد..ماايصبرون..وكيف اشتريتوا بيت جديده...؟


ام عبدالله:ايوه الحمدلله الحين معنا بيتين


ام زيد:وين الثانيه


ام عبدالله:في العين


ام زيد:اها صلحتوا العين بيمدحونها...بعيده من الزيغه




(وقطع ع عوض صوت صاحبه علي بيصيح عليه ومن دريشه حجرته...)



علي:ياعـــوووض عـــــوووض


عوض سمعه:هاااه ايش..؟


علي:لحق مروان وعمر بيتقاتلون..!


عوض:مره ثانيه..؟؟؟


علي:بسرعه تعال


عوض:زين جااااااي...(وطلع من حجرته)...محسن تعال معي بغيتك


محسن وهو بيقوم:لوين..؟


عوض:بس تعــــــــأل




(راحوا الشباب لي الحاره الي بجنبهم والي فيها بيت مروان بن عمهم...وحصلوه بيتقاتل مع عمر واحد ولد مال مشاكل ومقاتليه...)



عوض معصب:عمــــــــر فلت يدك


عمروهو ماسك مروان من مصدرته:وليش هو مايفك...هو الي بدى


محسن:اقسم بالله اذا ماتفك اربيك


عوض عطى محسن نظره:روح صيح ع حمد




(هذي حمد يكون بن عمهم وخو مروان الوحيد...)



عوض بصوت عالي:فكـــوووا ثـــنينـــــكم


مروان وهو بيضرب عمر:مره ثانيه اذا فكرت انك تسب سب واحد ماتقدر عليه سمعتني!؟


عوض مسك مروان:بس يامروان خلاص ماتشبعون من مقاتليه انتوا الثنين..؟؟؟!!


عمر وهو بيقوم:انزين بعدين بنكمل...


مروان:يكون وقتها خيــر...وبنشوف


عوض:ماشي بعدين ولا قبلين...وانت ياعمر لاتقرب علينا مره ثانيه...مابخليه يضربك وبس اني بقلع طقم ضروسك بيدي عاده


عمر:زين زين ياعيــال العم


حمد معصب:ايش فيكــم...؟؟؟


عوض بتهرب:ماشي...(ومسك مروان)...خلا بنروح لحارتنا


مروان بعناد:مابغيت اروح


عوض معصب:ماطلبت رايك...تعال وانت ساكت


محسن:والله ماكننا عيال عم...يكون بيتقاتل معنا اربع وعشرين ساعه


عوض:اصله طيره...هو الي يجب الشباب لنا عشان نتقاتل


مروان:مش طيره اصلـه ****


عوض+محسن طاق عليهم الضحك:ههههههههههههههههههههه هدي اعصابك


مروان:والله بربيه


محسن:ههههه مابتقصر ما شاء الله


عوض:ماعد تجلسون تتقاتلون ماننا في المدرسه عشان نجلس عادنا نتقاتل في الحارات

يتبع...

[فديـ ظفارـت]

اليــــــــــــــــــــوم الثاني...


الموقع:بوظبي_بيت بوعبدالله


الوقت:السبت الساعه 6 المغرب




(كانت غاده جالســه في الصاله وماسكه الابتوب مالها وبتسوي مشروع في بور بوينت وبتسلمه بكره في المدرسه...وقدها طفشانه...وكان عندها خوانها كلهم بيشوفون مباراه الا محمد لانه في امريكا بيدرس..انزعجت منهم وطلعت لحجرتها...وكملت شغلها هناك...بعدين سمعت صوت التلفون بيرن...راحت وردت عليه...)



*غاده*:الووه


*؟*:الووو مرحبا اختيه


*غاده*تورطت:هااا شتريد..؟


*؟*:هذا بيت فلان بن فلان..؟


*غاده*:لاء غلطان


*؟*:اها السموحه منج فمان الله




(سكرت غاده السماعه وهي بتقول في نفسها.."غبزه...قمت من شغلي عشان رقم غلط"...خخخ عجز..ويوم قدها راجعه كان عبدالله بيشل شنطه مالت ملابسه لانه رايح لشارقه لـ شقته...)



غاده:بتروح الحين..؟


عبدالله:ايوه عندي اشغال بسويهن...وذاكري ها ماعد شي وقت كفايه للعب


غاده ابتسمت:انزين...يالله مع السلامه




(سوا لها حركه بيده.."مع السلامه"..وبعدين رجع مره ثانيه...)



عبدالله:يش عارفه ان زيد خطب..؟


غاده مستغربه:لاء...ماحد قالي..من متى..؟


عبدالله:هههه كي مغيبه من شهرين الحين


غاده:اوووف من شهرين ومادريت خخخ


عبدالله:وعرسه في الخريف هههههه


غاده:عااش بوالشباب ايش فيه مستعجل


عبدالله:ههههههههه...دريت به...المهم بروح عندي مليون شغله..يالله


غاده:ههههه مع السلامه




**بعد مرور اسبــــــــــوعين**




(قربت الامتحانات...وكانت غاده بتذاكر وقتلت نفسها لانها خايفه ماتجيب مجموع...اما في الصاله الصغيره الي فوق...كان هناك عوض ومبارك ومعاهم سعيد وبندر...جالسين بيلعبون بلاي ستيشن والتحدي قوي بينهم...وغاده من صوتهم وهم بيتحدون ماقدرت تركز وقدها معصبه ع سعيد حتى للهامــه...)



غاده بتصيح عليه:سعيد


سعيد:هاااه


غاده:تعال شويه




(جــــــــــى لحجرتها ودخل..)



سعيد:ايش فيش..؟؟


غاده:والله اذا انته وصحابك فاضين في ناس هنا الي هم انـــــــــــــــــــــــي بيحاولون يجيبون مجموع !!


سعيد:اها شي طيب والمطلوب..؟!


غاده:المطلوب ياطويل العمر تشل صحابك وتعقر بهم من الصاله


سعيد:انزين يالطفره...بنطلع السنيما الحين




(وراح رجع لــ الصاله...وبعد ربع ساعه ماسمعت غاده اي صوت...كانوا قد راحوا لـ السنيما...)



**بعد مرور شهــــــــر**



الموقع:عوقد_بيت بوزيد


الوقت:الاثنين شهر 6 الساعه 3 الصبح




(كان عوض في حجرتـــه بيحاول ينام بس ماقدر..لان كان فيه صداع مش طبيعي...طلع من حجرته وراح المطبخ يشرب شي...وبعدين رجع...ومافاده...راح الحوش وجلس هناك وبيشوف الفيديو مال صحابه من جامعه ظفار...وبيضحك عليهم...)



اليـــــــــــوم الثاني
...



الموقع:بوظبي_بيت بوعبدالله


الوقت:الثلاثاء الساعه 4 العصر




(كانت غاده خايفه وفيها وسواس انها مابتجيب مجموع وقد خلصت...ووقتها كانوا هلها بيرتبون اغراضهم لانهم خلاص بينتقلون الى صلاله وبيرجعون لها...غير عبدالله الي شغله هناك ومحمد الي في البعثه...كانت ام عبدالله في الصاله الفوقيه بترتب...)



ام عبدالله: ياعبدالله فديت عمرك تعال شل مني هذي الكرتون ووديه في الشحن


عبدالله رافع دشداشته:انزين ياسعيد تعال شل معي




(جـــى يساعده...بعـــــــــد ثلاث ساعات...)



ام عبدالله:وهي وهي وهي يالغلبه...اوه الحمدلله خلصنا وافتكينا من الشغل الكثير


غاده:ايوه باقي كم من حاجه وخلاص


عبدالله بيطالع تلفونه:انزين اني رايح اوكيه...؟


ام عبدالله:انزين تجي بعد بكره


عبدالله:ان شاء الله...(وسلم ع راسها وراح)



اليــــــــــوم الثاني
...



الموقع:عوقد_بيت بوزيد


الوقت:الساعه 2 الظهر




(كانت عائله بوزيد جالسين ع سماط الغداء...)



بوزيد:بيت بوعبدالله بيجون بكره


حسام:اوووه من زمان ماحد شافهم


ام زيد:ياحي بهم ياحي


بوزيد:بيخبرني اليوم قالوا بوحمد...(خوبوعبدالله)...شل اغراضهم من الشحن وبيرتبون البيت مالتهم في السعاده


ام زيد:الله يساعدهم




اليـــــــــــــوم الثاني
...



الموقع:دبي_مطــار دبي


الوقت:الساعه 6 ونص بعد المغرب




(كانت عائله بوعبدالله في المطار حاجرين لنداء الصعود الى الطياره المتجهه الى مطار السيب الدولي...كانت غاده بتراسل حمده في التلفون...وهي قد وعدت هند وحنان وميثه انها اذا وصلت صلاله بتخبرهن...وكانت مرتاحه وفرحانه كثير انها بترجع صلاله...وبتشوف بنات خالتها وبنت عمها الوحيد خلود والي اشتاقت لهن...بعد مرور ساعتين من الانتظار والسفر...وصلــوا الى مطار السيب...جلــسوا يوم واحد في مسقط في فندق البستان...وبنفس اليوم راحت غاده مع امها الى السيتي...)



غاده:والله حسيته جاي صغير من بعد سنتر دبي


ام عبدالله:هههه شيشع منهم كلهم محفورين في هذي الصندقه




(بعد شويه...)



غاده:بغيت انام فيني نعاس وتعاب


ام عبدالله:قلنا لش خلي المرواح اليوم جيتي تعبانه


غاده:هههههه اتصلي في سعيد خليه يجينا




(بعـــــــــــــــد نص ساعه وصل سعيد عند السنتر...وطلعن له....)



اليــــــــــــوم الثاني
...



الموقع:مسقط_القرم فندق البستان


الوقت:الساعه 12




(هذا اليوم يوم السفر الي طال انتظاره الى صلاله الغاليـــــه...والكل فرحان ومستبشر بخير...لما تاكد بوعبدالله بان كل شي التم وشلوا اغراضهم اتجهوا الى مطار السيب ومنها ع طول الى مطار صلاله...لما نزلت غاده من الطياره وشافت مطار صلاله الي من سنتين ماشفاته...غرغرن عيونها بالدمــع من كثر الفرحه ..ودخلوا كلهم الى القاعه...وشاف بوعبدالله خوه بوحمد ومعه حمد ولده...)



بوحمد:الحمدلله ع السلامه نورت صلاله


بوعبدالله:الله يسلمك والنور نورها ونور هلها


حمد بيسلم ع عمه:كيفك ياعم..الحمدلله ع السلامه


بوعبدالله:الحمدلله..الله يسلمك...



(وصـــــول عائله بوعبدالله كان خبر سعيد ع كل الي يعرفونهم وكل الي مشتاقين لهم...)



**بعد مرور اسبوعيــــــــــن**



(كانـــوووا عائله بوعبدالله وعائله بوحمد متفقيــن انهم يروحون عند هلهــم وجدود عيالهم..زياره مع بعض ع الغداء حتى لاخر الليل...والكل حضر...)



الموقع:صلاله_بيت الشيبه


الوقت:نص شهر 6 الساعه 1 الظهر




(عائله بوحمد هم اول من وصلوا...وجلست ام حمد وخالتها والشغاله بيرتبن الاكل عشان يكون كل شي جاهز...بعد نص ساعه...سمعوا دق الجرس...وكان عبدالله الي بيدق...)



عبدالله عند الباب:السلاااااام عليكم


الشيبه:وعليكم السلام والرحمه..ياحــي بالي شرفوا


بوعبدالله:بكــم حي وسهلا...كيفك يبــاه..؟...(ويسلم عليه)


الشيبه:بخير وبنعمه تستحقون السلامه


عبدالله:الله يسلمك..(ويشل من امــه الكيسه)


ام عبدالله:كيفك ياعـــم..؟


الشيبه:بخير يابنتي كيفيش انتي..؟


ام عبدالله:الحمدلله..اوب ياعم قدك الا شباب


الحبوبه:هههههههه واني كيف ماني شابه..؟


ام عبدالله جت عندها تسلم:ياحي بخالتي...الا شباب الشباب


الحبوبه:ههههههههه كيفيش انفديش..؟



............
الخ




(بعـــــــــــــد مرور ساعات صارت الساعه 7 بعد المغرب..وكانت غاده فوق في شقتهم الي في بيت جدودها...وجلست بتشوف اغراضها مال زمان...هي وخلود...ودخل عليهن حمد وهو بيهود...)



حمد قبل لايدخل:هوووووووود هود


خلود:ههههه ياهود تعال


حمد:ادخل..؟


غاده بعد ماتعدلت:حياك




(دخل عليهن حمد وهو مبتسم ومعه كيسة فوش وكاوكاو..)



حمد:شلن قبل شويه كنا في الخريف بنشتري


خلود:ههههههه الله شي شي..(وجلست بتشوف ايش داخل الكيسه)


غاده:ههههه مشكور


حمد:العفووو...(وراح)



(وهذا كل الي صار هاك اليوم...)

يتبع...

[فديـ ظفارـت]

اليــــــــــــــــــــوم الثاني...


(باقـــــــــي ع عرس زيد شهر بالضبط...وكانت غاده عند خالتها في البيت بايتــــه...وفي احد الحجر هناك...وبالتحديد في حجرة اميره ومنى بنات خالتها....)


اميره:وكيف خلاص اكيد بتحضرين العرس معنا

غاده:ايوه بحضر هذي زيد مش أي حد اغلب ماروح له

منى:ههههههه اصحاب الطفوله

غاده:هههههههههههههه

اميره:ههه اها زين والله...وكيف جبتي الفستان مالش من بوظبي ولاعاده ماخلص

غاده:لا قد خلص من زمااان وهو عندي في البيت

منى:ميسكين من شافه

غاده تذكرت:انزين اني صورته...وين حطيت تلفوني..؟

اميره:بتكونين خليتيه في الصاله..!


(راحت غاده الصاله وحصلت تلفونها فوق التلفزيون...)


غاده:هاكن شوفن

اميره+منى:الله شــــــــــــــــــــــــــــي

غاده:ههههههه والله بالقوه حتى اشتريته

اميره:وربي ماحضرهههههههه بتقمرين

غاده:اووه انتي...والله ان فستانش شي وحلوووو

منى:هههههههههه انتن فساتينكن حلوات اما اني والله اغتفقت به

غاده:هههههههههههههههههههههه



**بعــــــــــــــــــــد مرور شهـــر**



(جـــــــــــى اليوم الي مسهر زيد ماينام الليل في انتظارهوهو يوم عقد قران زيد من ندى خـــت سالم صاحبه الروح بالروح..والي كان يحبها ويموت عليها...والكــــل كان موجود وفرحان...باليوم السعيد واليوم المبارك...)


الموقع:عوقد_خيمــه الرجال

الوقت:الساعه 4 العصر قبل الهبوت



حســام:يالله ياعوض شل انته هذي الصفريه ووديها ورا الخيمه عند الشغالات

عوض بيشلها:زين



(كان عوض هو الي يجلس يشل الصياني والصفاري الى ورا الخيمه...وشل مسكين اربع صفاري والاخيره كانت ع النار وهو ما انتبه لها..ويوم شلها ماكانت بارده زي الصفاري الي شلهن...وعشان كذا سوت ليده حروق...)


عوض بتعب:ااااح...عفــريت ع السهجه

شيتــا:اوه..do you need help sir?

عوض مستوجع:نــووه مابغيت...اااح هيـــش كـــــبه

شيتا:wait I will put cold water in your hand

عوض:no need thanx


(وراح قده طفشان ومستوجع يده وقدها حمره زي الدم...ودخل البيت وراح لفوق...وخلا حد من السقله الي هناك يصيح ع والدته...)


عوض:ياولد تعال

الطفل:هاااه

عوض:تعرف خالتك تهاني..؟

الطفل:ايوه بغيتها

عوض:سير صيح عليها قولها عوض بغاش

الطفل:زين...(وعدى لداخل)

عوض:واهي لو يروح ويعطيني باب



(بعد شويه...)


ام زيد:ها انفديك

عوض:يمــاااه عندش فازلين..؟

ام زيد:عشان بغيته..؟

عوض بيوريها:احترقن صوابيعي من الصفاري

ام زيد بخوف:واهي فديت عمرك...ماتنتبه...!

عوض:مادريت انها حاره..عندش شي ابرد به يدي

ام زيد:لحظه بشوف خالاتك



(وبعد ربع ساعه من الانتظار...)


عوض:ها كيف..؟

ام زيد:تعال بسوي لك

عوض مد يده:ااح حرقه

ام زيد:وي يكون فداك

عوض:هههههه منهو..؟

ام زيد:الوجاع

عوض:ههههههههههههههه



(قطع ع ضحكته صوت بنت بتحاول تقنع طفل صغير يطلع لها...)


غاده:تعــال ياعبودي بعطيك حلاوة

عبودي:مابعيت

غاده:حلاوة حلوه تعال

عبودي:مابعيت

غاده:اوووه



(سمعتها ام زيد وعرفت من هي الا عوض ماحس ان هالصوت يعرفه...)


ام زيد:منهو الي بتصيحين عليه..؟

غاده:ياخاله هذا عبودي بن وفاء مابغى يطلع

ام زيد:انزين اني بطلعه

غاده:هي بغت تغير له حفاظته

ام زيد:نزلي له انزين

غاده:عندش حد غريب

ام زيد:لاتعالي ماحد غريب



(ونزلت غاده ومسكت عبودي من بطنه وسلمت عليه وشلاته...وبعدين طالعت عوض وعرفاته...تذكرت طفولتها...)


غاده ابتسمت:كيفك ياعوض..؟

عوض رفع راسه:الحمدلله



(وابتسمت لعبودي وقلبت ظهرها وسارت....ويوم راحت...)


ام زيد:اكيد ماعرفتها

عوض:منهي...؟

ام زيد:البنت الي جت قبل شويه

عوض:لاماعرفتها ليش..؟؟

ام زيد:هذي غاده بنت عمك حمد (بوعبدالله)

عوض بصدمه:والله...؟؟

ام زيد:هههه ايوه والله

عوض:ههه كبرت ما شاء الله

ام زيد تغير الموضوع:يالله روح لحق خوانك بيكونون مربوشين

عوض:والله حرام ماخليتوني اروح الهبوت

ام زيد:عادي رحت المسجد مش لازم عاده الهبوت..وبيكونون الحين قريب

عوض:زين يالله



(بعـــــــــد مرور ساعه وبعد ماوصل الهبوت وخلص...صارت الساعه 5 العصر...وكانوا الرجال تحت بيتبرعون في الساحه الي قدام البيت...والحريم من فوق بــيبلـبلـــــــــن عليهم ^_* ....)


وحده من الحريم:يابنات بلبلن ع خوانكن وعيال عمكن

خلود بنت عم غاده:هههههه انزين بنبلبل والله

غاده:هههههههههه يالله واحد اثنين ثلاثه


ليليلليليليليليييييييه يليليلليليلللللللللليييه



(هههههههههه وجلسن بيبلبلن عليهم...وكانت غاده بتدور ع خوانها ماقدرت تشوفهم لان في رجال كثير...وبعدين سمعت وحده من الحريم بتقول...)


الحرمه:ياام زيد عيالش بيتبرعون

خلود:يش تحالي زيد وحسام خخخخخ...عاش العريس عاش

غاده:وووين وين..؟؟؟

خلود:شوفي الي بيتبرعون...وقريب عليهم محسن شفتيه..؟

غاده:ايوه شفتهم...بس وين عوض..؟

خلود:مادريت وينه..!..المهم بلبلي


لييلليليلييييييييه يليلليليليليليلييييييييييييييييييييييييييييه



(بعد ساعتيــن وقفـوا الفرقه الغناء عشان قرب وقت الأذان..وهاك الساعه دخل عوض الى بيتهم لان كل المتفرجات راحن...مابقى الا حريم بوعبدالله وبنات عمه وخلاته...كانت غاده في الحمـام بتغسل يدينها بعد ماشلت صياني الرز الى المطبخ بتساعد..وعوض دخل البيت اصلا عشان يروح الحمام...وفتح باب الحمام الي غاده فيه..لانه الوحيد الي تحت..ودق الباب في كتف غاده..)


غاده:اااي...ميــن هذي؟

عوض حس نفسه تفشل:هااه..انا عوض

غاده استحت:هههه كنت بغسل يدي

عوض:هههههه..عاش من شافش..!

غاده استحت اكثر:ههه

عوض:أخ ماكبروا الناس شي بس هههه

غاده بعفويه:ولابغيتني اكون طفله طول عمري هههه

عوض:هههههههههههههه

غاده بتنسحب من المكان:بروح عند خلاتي..(وراحت)


(جلــس عوض في مكانـه متعجب ان البنت الي تعود عليها كبرت وصارت بهذي الحلاوه كلها..!...ابتسمـ ودخل الحمام...)



(بعـد خمس ساعات...)


الموقع:عوقد_بيـــت بوزيد_العقد

الوقت:الســاعه 11 فالليل


(كانت ام زيد بتوري خواتها الجناح الي سوه عشان العريس..والكل عجبه الديكور والتصميم كثير...وكانت ام عبدالله معاهن..وفرحااانــه لـ زيد كانـه ولدها هو الي بيتزوج..والعلاقه الي بين ام عبدالله وام زيد غير العشره والقبيله ان حبوبة ام زيد رضعـت والدة ام عبدالله يوم كانت صغيره مع عيالها...وهن صديقات الطفوله..ومثل الاخوات...ونرجــع للحريمـ ...بعد ماخلصن الحريم من الشووفهـ...كل وحده رجعت الى بيتها..لان هل العريس عادهم مشغولين بالربشه مالت العرس الي بيصير...)


(بــــعد ساعتين...)


الموقع:بيت بوزيد_الصاله

الوقت:الساعه وحده



(كان عوض ومحسن جالسين بيشربون بيبسي...وعندهم ام زيد بتكلم في التلفون مع ختها..وحسـام نايم في الكرسي...وزيد كان بيتسبح...ويوم خلصت ام زيد كلامها في التلفون...)


ام زيد:جبتــووا الحلوى انتوا..؟

عوض:حسام قال بيجيب

ام زيد طالعت حسام:ياحســاام

حسام بتعب:هووه

ام زيد:جبت الحلوى..؟

حسام انتبه:حيييي لاء..!!

ام زيد:ياسلام الله عليكـ

محسن:عادي بكره جيبوا الحلوى مصيبه هي..!

عوض:ومن فاضي بكره..؟

محسن:زين انا بجيب..خلوا الحلوى علي

ام زيد:تجبها مش تنسي



(هههه وكذا ربشـــة الاعراس...امااا في بيــت بوعبدالله...وفي حجرة غاده...كانت جالسه بتشوف فستانها...وتذكرت عوض...وضحكت كيف انه تغير وصار طويل وكيف انها جات قزمه عنده هههه...ودخلت فستانها...سكرت الليت ونامـــــــت...)

يتبع...

[الضمير]

قصه حلوة بس تعبت من القرايه بكملها بعدين

اشكرك على المجهود الطيب

[فديـ ظفارـت]

مشكــور الضميــر ع ردكـ وتشجيعكـ إن شاء الله تكون قصتي المتواضعه نالت ع رضاكـ
وأتمنى النهايه ترضيكـ وترضي الأعضاء والزوار الكرام

لكـ احترامي وتقديري
ع خير.

[« •غـــُُـُـُـِِـِـِـِـِـالــيــُـُـة• »]

فت اعلانش جيت بعدي ولا يهمش
تسلم يدش على المجهود الكبير والله
شكلش عندش القدرهانش تبدعي
عد ماقريتها كلها
ساويت لها برنت وباقريها على مهل
بغالها وقت طويل
تسلمي

[فديـ ظفارـت]

هههههههه اوه يعني فاد الاهداااء شكراً يالغاليه ع التشجيع
والقصه للعلم ما انتهت واتمنى انها تعجبكِ
شكراً مرة ثانيه

[الملك أوديب]

من أول وهلة لتحليل الشخصيات
والوصف الدقيق لها .. اجد نفسي امام كاتبة تملك ادواتها

ساعود لاقرا القصة بتمهل .. والتعليق عليها باذن الله

[« •غـــُُـُـُـِِـِـِـِـِـالــيــُـُـة• »]

انزين اليوم باقري هذا ةباكمل اللي باتضيفيه في وقت ثاني
احب القصص
تسلمي

[البراء]

قريت الجزء الاول من القصه كانت دراميه ...

ومن خلال اعمار الشخصيات فهي معظمها في سن المراهقه وهذا السن خطير اتمنى من خلال القصة استشف بعض مشاكل المراهقين حتى احس بواقعية الاحداث عموما قد قمت بنسخ القصه لقرائتها لاحقا وتكون لي عوده في وقت لاحق ..

فديت ظفار انتي موهوبه وعندك مخيله خصبه وعميقة اتمنالك كل التوفيق Keep going!

[فديـ ظفارـت]

الملك أوديب ,, شرفنــي مروركـ وتقيمكـ بشكل عام ع القصه .. أسعدني ذلك وأتمنى تنال ع رضاك
ولو اني اشوف نفسي مش كاتبه واشوف نفسي افتقر الى الخبره في هذا المجال
شكراً لك ع التشجيع .. سلمــــــــــــــــــــت ^_^

غاليـــــة .. الله يسلمكِ اختي .. وخذي راحتك .. واعتبري الصفحه ملككِ ^_* شكراً

[فديـ ظفارـت]

البــراء .. أنــا أنتهيت من كتابة القصه .. وهي فعلاً لاتحكي عن قضيه مهمه او حدث واقعي حاد
حبيت تكون بسيطه وسلسله .. وأكثر الدافع الي يخليني اكتب بالمحلي .. عشان يكون عندنا
قصص يتسلى بها أهل المنطقه
إن شاء الله تعجبك بساطتها ^_^ .. واشكرك ع التشجيع الطيب .. عطاك ربي العافيه

لك احترامي وتقديري
^_^

[فديـ ظفارـت]

اليــــوم الثانـــــــي


..


(كان باقي ع العرس يومين...والكل مربوش ربشه مش طبيعيه...في بيت بوسالم...بيت هل العروس...)

الموقع:صلالة_بيت بوسالم_الصاله
الوقت:الساعه 5 بعد العصر

سالم:بغيت أكوي البشت مال والدي
ام سالم:وديه عند الدوبي عشان يكونه
سالم:والله لارحت له الدوبي...ليش هذي البقره ماتعرف تكويه..؟

(قصده ع الشغاله هههه...)

ام سالم:عشان تحرق لك اياه ويخنقك اوبك
سالم بيهز راسه:ههههههه ايوه احسن اوديه الدوبي في هذي الحاله
ام سالم:هههههه

(فووق بنفس البيت في حجره العروس...كانت عندها هنديه بتسوي لها حلاوة...ووحده ثانيه بتقص لها شعارها وبتعدله...وقدها تعبانه وتريد تنام وع ودها تشوتهن شوته وتجبنهن لعرض الباب...بس ايش تسوي عروس خخخخ...)

الموقع:عوقد_بيت بوزيد_مجلس الرجال
الوقت:الساعه 6 المغرب

(كان عوض ومحسن جالسين في المجلس وبيقشقشون من الحلاويات والفواله الي هناك وتدخل ع غفلتهم ام زيد وشافاتهم...)

ام زيد معصبه:لكمـ ماعد بقول..ايش بتسون هنااا..؟
محسن افتذر:بسم الله الرحمن الرحيم..ياحرمه من وين طلعتي.!
ام زيد:نويت بكم نيــــــه..طـــــلعوا طلعوا...خلوا في المجلس حشمه عشان اذا جوا الرجال يحصلون شي يكلونه
عوض:حوووه ماكلينا شي شويه..وبعدين عادي اذا خلص بنجيب
ام زيد عارفاتهم عجز:يويــــو يابخوتكم ايوه ماكذبتوا..طلعوا بسرعه
محسن:زين زين

(هههههه ماحد يلومها...وعدوا هاليوميــــــن مثل البرق...وكل شي تم ع احسن وجه...والكل فرح بالعرس وارتاح...ماكان مبالغ فيه كثير لان ماحد غريب...بعد مده...)

الموقع:عوقد_بيــــت بوزيــد_الصاله
الوقت:الساعه 11 الصبح

(كانت ام زيد مرتاااحه مثل التعب الي انزاح من كتفها يوم تم العرس ع خير...وكانت بتفطر هي وعيالها..حسام,عوض,ومحسن وزوجها...)

حسام بيكلم والده:لاوالله رخيصه
بوزيد:زين اذا حصلت اجازه مالت الجامعه روح شوفها
حسام بعيون متمسكنه:يعنــي بتشتريها لي ^.^
بوزيد عارف عيارته:ههههه ايوه بنشتريها
حسام بانن ضروسه:ههههههه فديتك الشيبه..(ويسلم ع يده)
بوزيد:بس لاتسير بها لـ السعاده ولا القوف وتخمس بها
حسام بيستهبل:هههههههه ان شاء الله بروح بها لــ مرباط واخمس هناك..
بوزيد:ههههههههههههههههه

**بعــــــــد مرور شهر**

(جــت الاجازه الي حصلها حسام من الجامعه...وكانت اسبوع..وسافر ومعه سالم خو ندى الى دبي عشان يشتري السياره الي يريدها من صاحب محمد الي في البعثه...ورجع بعد ما اشترى السياره لـ صلاله بـــر من فرحته خخخ...)

الموقع:الخط ثمــريت
الوقت:الساعه 10 الصبح

سالم:وهـــــــي ياعيوني
حسام:فيك عفريت قلنا لك جب نظارتك..ماتسمع
سالم:ههههههه زي اسطوانــه عمي...ياخى تكونون خوان وانا مدري..!
حسام طاق عليه الضحك:ههههههههههههههههه ياخي خلينا نتعرف ع عمك الي زعجتنا به
سالم:ههههههههه زين ااذا وصلنا صلاله بخليك تتعرف عليه بتشوف نفسك هههه
حسام:ههههههههه

(امـــااا في عوقـــد...كان محســن عنده اسئلـــه عشان عوض...من نوع جديد شويه..)

محسـن:ياعوض
عوض وهو بيقري الجريده الرياضيه:هووه
محسن:اذا انت مثلا حبيت وحده بتتزوجها صح..؟
عوض رفع راسه:كيف..؟
محسن:اذا انت حبيت وحده بتتزوجها لانك تحبها صح ولالا..؟
عوض بنظره:ليش قدك بتعجوب بوحده في النت ولاشي..؟!؟
محسن:لااا بس كذا بسالك حوه..!
عوض ابتسم:ايوه اذا كنت احبها بتزوجها..ولاعشان نحايري بحبها عاده..!
محسن:ههههههه
عوض:هههههههههه ايش من سوال فطح..بس مش غريبه طلع منك خخخ
محسن يضربه بالكلينكس:زوعك بس...انزين انت تحب غاده..؟
عوض حمق وخلا الجريده جانب:وع أي اساس بتقول هالكلام..؟
محسن حس انه عصب:شفيــك ماقلت لك شي عشان تعصب الحين.!
عوض:لارد علي ع أي اساس بتقول هالكلام..؟
محسن قام بعد منه:ياخى ع بالك انا طيره مابلاحظ.............
عوض يقاطعه بجديه:شوف اذا انته بغيت تفتح موضوع معي لاتفتحه ع حسابي...اذا عندك شي تريد تقوله خبرني...لاتجلس تطلع لي بنفسي بخبارك فهمت..؟
محسن عصب:لالامابغينا نفتح معك موضوع
عوض:امبـا احسن....(وطلع وسكر الباب بقوه...)

(طلــع من حجرة محسن وراح لحجرة هله وشل مفتاح سيارة والده الجيب..وراح اتصل في مروان بن عمه وطلعوا الى البحر...وهناك دار الحوار بينهم...)

مروان بيضحك:ههههههههههههههههههه وانت ليش عصبت..؟!
عوض طاق عليه الضحك:هههههههههههههههههههههههه والله ماعصبت تفشلت يامروان فشلني خخخخخ
مروان:هههههههههههههههههههه والله محسن طلع ماهو شويه
عوض:هههههههه عشان كذا كبهنـي ههههههه
مروان:انزين انت تحبها..؟
عوض:هههههههههه حتى انته عاده..؟
مروان:هههههههههههه لاجد تحبها..؟
عوض:ماعرف..يمكن..بيكون
مروان:ههههههه حلوه بيكون
عوض:ههههههه ايش دراني اني احبها...ايش علامات الحب انزين..انته راعي النت وتدخله...فيدنا
مروان انتفخ:احم احم..بما اني كنت صاحب تجربه حب سابقا...اقول لك ياعوض يا بن حمد ههههه ان الحب يبدا بدقات القلب هكذا هكذا دق دق دق
عوض:ههههههههههههههههههههههههههههههههههههههه الله ينعلك
مروان يكمل:ههههه نعم لاتضحك عليك اللعنه انت وضروسك ههههه..ومن ثم تشتاق اليها..وتحب الاماكن التي تذكرك بها هههههههههه وكذا يعني
عوض:هههههههه اها انا تعجبني مدري اذا كان حب
مروان بكدشه:ياخـــــــــــــــى فلقتنـــا اذا تحب الصغيره قول لامك يامـــــــره هههه بغيت الصغيره عشاني تسمحين ولاماتسمحين انتي الثانيه..؟!
عوض:هههههههههههههههههههههههههههههه ايش صارت مقاتليه هذي خخخ
مروان بيطالع التلفون:جاتني رساله
عوض بيستغثرهـ:امبا سوي مسيره يوم جاتك رساله ههههههههههههههههههه
مروان:هههههههههههههههههه ع الاقل تلفوني فيه رصيد مش زيك خخخ شوف ميتيــن بيسه خخخ
عوض:اوف مقدر لاعز صراحة ههه

(هههه وسمــروا الشباب حتى لوقت متاخر وبعدين رجعوا البيت...وفي بيت بوزيد...كان محسن في الحوش بيلعب بالولاعه اشتراها من الدكان...وشافه عوض...ورجع له هاك الشعور وتفشل..وتدخل داخل بسرعه...وكان في الصاله حسام بيشوف الجزيره الوثائقيه...)

عوض:ســــــلام
حسام انتبه:وعليكم السلام..تعال تعال
عوض:ايش..؟
حسام:ليش شليت سياره والدي..؟ مش نحن قلنا لك خلي السياره في حالها حتى تحصل ليسن..!
عوض بعفويه:انزين ايش اسوي يعني اجلس في البيت زي الصغيرات وحتى قســـــم بالله الصغيرات بيطلعن خس من الرجال الحين حوووه حووه مارحت مكان لقدى الشرطه سرت انا ومروان لـ البحر وجلسنا طول السهره هناك وماتحركنا ولاسرنا مكان ثاني والله
حسام:ههههههههههههههههههههههههههههه وارك وارك وارك خخخخخخخخخ انزين انا ماقلت شي بضحك معك...! تغتوب
عوض:ههههههه والله تقهروني دايما ع كل شي..!
حسام:ههههه ياخي عثرك مظلوم وماحسيت بك..المهم تعال شوف سيارتي الجديده
عوض:اوووه اشتريتها..وينها ماشفتها بره
حسام بيمطه:"اوه" في جنبكـ قول بسم الله ما شاء الله وخوبت عيني
عوض:ماشفناها عشان نعاينها انته زيده
حسام:زين تعال تعال

يتبع...

[فديـ ظفارـت]

اليــــــــــــــوم الثانـــــــي...


(راح عوض قام بسرعه كالعاده...وفتح الباب ع محسن وهو نايم وكل لذات النوم ع وجهه المبتسم...واكيد في نوم عميق..((كالعــــــــــــاده))..حجر له عوض حتى يقوم...وبعدين طفش ومطه من قميــصه...)


عوض:محســـــــــن...محسن..يامحسن
محسن بطفش:شفيك شفيك..؟!
عوض:قوم بغيتك
محسن:انته دايما تبغيني دايمـــــا وايش لما اكون نايم ماعرف ليش تتعب تشوفني نايم..يمــــــــكن..!
عوض ابتسم:قوم بسرعه
محسن:بعدين بعدين...(وقلب وجهه للجانب الثاني عن عوض..)


(راح عوض الجانب الثاني وقومــــــه..)


عوض:محســــــــــــــــــــن...يالله قووووم
محسن طفر:اهئ اهئ والله ببكي والله خليني
عوض:ههههههههه قوم بسرعه قلت لك...بغيتك ضروري...ولاطز فيك انت الي خسرت الخبر..(وقلب ظهره ياخى بيروح)
محسن بنشاط:أيـــــــــــــــش ايش..؟؟؟
عوض:هههههههه...فكرت بالي قلته لي امس...
محسن بيعرك عيونه:وبعدين ايش الي طلع معك


(تذكــر عوض كلام مروان...*الحب يبدا بدقات القلب هكذا هكذا دق دق دق*...وابتسم..)


عوض:أيـوه احبها
محسن بفرح:احلـــــــىىى احلىى
عوض:غبزك
محسن:هههههههه وكيف يعني حب بيطول ولابس مشي حالك
عوض:هههه لا انا تعجبني كثير ومن زمان...ولما فكرت انها تكون مع واحد ثاني عصبت
محسن:ههههههههههه حرقنـــــــــي
عوض:ههههههههههههههههه لكن عادني بتاكد اكثر اذا شفتها بشوف نفسي بايش احس
محسن:نعم نعم صحيح لازم هههه..لكن متى بتقدر تشوفها..؟؟
عوض:ماعرف


اليـــوم الثانــــــــي...


الموقع:عوقد_ بيــت بوزيد_الصاله
الوقت:الساعه 11ونص الصباح


(كــانت ام زيد جالسه في الصاله بتشوف التلفزيون ع قناة قطر...وبتكلم في تلفون البيــت...)


ام زيد:بالله عليش...متى صار هذي الخبر..؟
الحرمه:البارح فالليل
ام زيد:بسم الله الرحمن الرحيم
الحرمه:يويو مايستاهلون بيت بوعبدالله
ام زيد:انزين خليني بسير اشوفها...
الحرمه:صلحتي...يام زيد بسكر عندي سلومه بيجنن بي
ام زيد:انزين فدى عمرش...مع السلامه واني بسير لهم
الحرمه:انزين سلمي ع كل من تخبر
ام زيد:ان شاء الله


(سكرت ام زيد مسكينهـ وعادها مصدومـهـ وخايفهـ ع غاده...وجى عندهــا حسامـ...)


حسام:صباح السندويش
ام زيد:الناس يقولون صباح الخير
حسام حس امه طفشانه:آسف صباح الخير...ايش فيه المزاج مش رايق اليوم..؟
ام زيد بتبكي:..........
حسام بخوف كبير:يمــاااه شفيــش..؟ ايش صار...؟
ام زيد:اهئ غاده تعبانه فـ مستــ.. اهئئئ اهئئ اهئ
حسام:ايش فيها غاده...؟؟؟
ام زيد:تعبانه ماعرفت ايش بها..!
حسام:انزين لحظه انا بتصل في عبدالله بشوفه..!


(اتصـــل حسام بسرعه في عبدالله وسالهـ وينه..)


عبدالله:في المستشفى...غاده ختي تعبت وشليناها
حسام:بسم الله ماعليها باس ان شاء الله
عبدالله:ان شاء الله يارب
حسام بصوت واطي:يك امي عندي قولها ان غاده بخير انزين
عبدالله:هيهــأ خالتي .. زين عطيني اياها
حسام وهو بيكلم امه:هاش كلميه
ام زيد شلت التلفون:اهئ ياعبدالله ايش فيها غاده..؟؟ اهئ اهئ
عبدالله:ياخاله غاده مافيها شي...هذي الا دوده زايده
ام زيد بخوف:دوده زايده..؟؟؟
عبدالله:ايوه شي بسيط..هذي من ابسط العمليات..ان شاء الله بتقوم بالسلامه وبتشوفينها وبتشبعين منها عاده
ام زيد:فديت بي عليها..والله عين ماصلت ولاسمت بالله..وامك عندك..؟
عبدالله:ايوه هنا هي...تريدنها..؟
ام زيد:لا بس خليها اني بجي بعد صلاة الظهر
عبدالله:حياش ياخاله..
ام زيد:يالله بسكر...وانتبهوا عليها
عبدالله ابتسم:ان شاء الله...في امان الله


(بعــــــــد ساعتيــن...صلوا وتجهزوا وراحوا الى المستشفــى السلطــاني...)


الموقع:صلاله_المستشفى السلطاني
الوقت: 1الظهر


(وصلوا المستشفى... وام زيد ماسكه ع قلبها قبل لاتدخل غرفه غاده الخاصهـ...وشافاتها كانت نايمه...)


ام زيد بصوت واطي شويه:السلام عليكم
ام عبدالله:ياحي..وعليكم السلام..(وتسلم عليها)
ام زيد:كي بشري..؟!
ام عبدالله:لا الحمدلله بخيرها..قالي عبدالله اشتغبتي..قلت هيهـأ ماتعرف خالتكـ ههه
ام زيد شويه وبتبكي:فداها جايه تعبانه
ام عبدالله طالعت بنتها:هههه كانت قبل ساعه قايمه الحين نامت من تعب


(امــا في بيت ابوزيد كانوا كلهم نايمين ماعدى حسام الي كان مع والدته في المستشفى السلطاني...)


الموقع:عوقد_بيت بوزيد_حجرة محسن
الوقت:الساعه 1 ونص الظهر


(كــان محسن وطبعا طبعا كالعادهـ نايم نوم عميق...وعندهـ عوض الي هاك الساعه قام من النوم وجى لـ عنده عشان يقومهـ...)


عوض:محسن...قوم
محسن:هييييم
عوض:قوم...امي وحسام مش في البيت
محسن انتبه:كي يعني..؟
عوض:طلعوا بسرعه سمعتهم بيرتبشون..قوم لايكون صار شي ونحن مع بليس...قوم
محسن وهو بيقوم:انزين


(راح عوض وغسل وجهه في حجرته...وقام محسن وتسبح في حمامه...وبعدين خرج عوض وجلس في الصاله ومسك تلفونه...)


حسام:آلوه
عوض:آلوه...وينك..؟
حسام:برهـ ليش..؟
عوض:عارف انك بره..وين رحتوا..؟
حسام:نحن في المستشفى..غاده بنت عمي حمد سوت عميله
عوض بخوف:عمليــــــه؟؟؟
حسام:ماشي كره الحمدلله دوده زايده...وعادي قامت مافيها شي ان شاء الله
عوض باهتمام:من متى قدها في المستشفى...؟
حسام:من امس .. المهم بسكر انا الحين عند رجال ..
عوض:زين يالله حياكـ


(وسكــــــر عوض...وجلس كذا سرحان بيفكر..وجى من ورايه محسن...)


محسن:عووض...ياعوض
عوض انتبه:هاااه...ايوه خلصت
محسن:لاعادني لحظه بلبس
عوض:بسرعه..
محسن تذكر:صح ايش صار..؟
عوض بيصطنع الهدوء:ماشي..بس غاده سوت عميله دوده زايده
محسن باهتمام:يويو ماتستاهل...وكي بنروح لهناكـ..؟
عوض:ايوهـ ..


(لبســوا الشباب وبعد خمس دقايق جهزوا وراحوا ع طول الى المستشفى بسياره والدهمـ الي كان بيسوقها عوض...)


الموقع:قدام المستشفى_عند الاستقبال
الوقت:الساعه 2 الاربعاء


(سالوا عن الغرفه والمكــان...وراحوا بسرعه...شافوا حسام اشر لهم عشان يجون...وراحوا مع بعض...)


عوض بيكلم حسام:دخلت امي عليها..؟
حسام:اكيد عارف امك بتصبر منها
عوض ابتسم:وماطلعت..؟
حسام:مادريت اصلا نحن ماجلسنا عند الباب جالسين عند الكراسيبعيد
عوض:اها.......


(جلسوا عند عيال عمهم حمد وعيال خالهم...اما في حجرة غاده الي كانت عادها نايمه بسبب المنوم...كانن الحريم حولها بيتكلم مع ام عبدالله...بعد ساعه قامــت غاده وكان الحريم راحن ومابقى الا خالتها ام زيد وخالتها خت امها..)


غاده بتعب:راااسي
خالتها قامت:هاه غاده سلامات...بغيتي شي..؟
غاده بدوخه:واجعه راسي
خالتها:واجد..؟ بغيتي اصيح ع السيستر..؟
غاده:ايوه الشيمه


(راحت خالتها تصيح ع الدكتوره...وقامت ام زيد وجلست بجنبها هي وام عبدالله...)


ام عبدالله:ها كي شفتي عمرش..؟
غاده:عادي بس راسي بيوجعني
ام زيد بدمع:سلامات فدى عمرش...في عدوينش ولافيش
غاده ابتسمت بتعب:ههه الله يسلمش ياربي...


(في مكــان قريب من الغرفهـ...كان عوض جالس سرحان بيفكر بس بيضحك ع عيال خالة غاده...يعرفهم زين ويعرف انهم غفل...وجلسوا بيعلقون ع الناس الي رايحين والي جايين...)


حسام بيدمع ضحك:ههههههههه الله ينعلك ع تعليق
مسلم:ههههههههههه والله جد ماتعرفهم اكبر طيور
حسام:هههههههه خاف ربك في الناس خخخ
محسن:هههههه ماخليت حد صاحي
عبدالله:هو اصلا في نظره ماحد صاحي الا هو ههه
سعيد:ههههههههههههههه ... محسن..يك يامحسن
محسن سمعه:هـــااه..؟!
سعيد:خلا بنروح نشتري شي نكله جعت خخ
محسن:انزين خلا..


(راحــوا الدكان الي موجود في ساحه المستشفى برهـ...وبعدين جلسوا شويه برهـ بيتحالون في سياره شكلها غريب خخ...)


محسن بيدمع:ههههههههههههههههههههههههه هذي كي..؟
سعيد:ههههههههههه هذي مش شكلها في الوكاله غيرها
محسن:بس تصدق طالعه حركه.. خخ
سعيد:ههههههههههه


(ماطولوا حتى دخلوا ورجعوا لـ مكانهم...)

يتبع...

[فديـ ظفارـت]

اليــــــوم الثاني..

(طلبت غاده انها تحصل تصريح يطلعونها للبيت...والحمدلله وافقوا عطوها ادويه تشربها...)

الموقع:قدام بيت بوعبدالله_السعاده
الوقت:الساعه4 العصر_الخميس


(كانت غاده في حجرتها...وجالسه ع الكرفايه وبتشوف تلفزيون قناة ابوظبي..واتصلت عليها خلود خت حمد ومروان عيال عم عوض...وخلود هذي الي مع غاده بكل خطوه وبكل شي...)

غاده بتضحك:ههههه سكتي قدني مشهوره ماناقص الا يصوروني
خلود:ههههههههه خطيره ماقدر صراحه كل مااخلي التلفون يتصلن فيني الشله
غاده:فديتهن والله...ايوه بشوف رسايلهن تارسات التلفون
خلود:رسايل ! خخخ تعرفين راعات الرصيد مساكين ماعندهم مساحة تنفس كثير خخخ
غاده:هههههههه ايوه فاهمه عليهن يويو


**بعـــــــد مـــــــــرور شهـــــــــــــر**

الموقع:السعاده بيت ابوعبدالله_الصاله
الوقت:الساعه 2 نص الليل_شهر 8 بالخريف


(كان عبدالله جالس في الصاله بيكلم محمد خوه من امريكا...)

عبدالله:هههههههه لابتعاني والله...ماقدر ايش صرت شاعر
محمد:هههه عاد علي ووووهي ياعمري من الغربه ويل ويل
عبدالله:هههههههههههه عادي مشي حالك كذا الدنيا
محمد:غصب علي امشي قدني فيها...وهاه كي هلي والشعب..؟
عبدالله:الحمدلله بخير كلهم...وكلهم بسلمون عليك
محمد:الله يسلمهم ياربي...حد عندكـ..؟
عبدالله:لا والله غاده كانت قايمه في حجرتها مدري اذا عادها قايمه..!

محمد:اها انزين بتشوفها..؟!

عبدالله:انزين لحظه..

(طلع عبدالله لـ فوق يشوف غاده اذا كانت قايمه او نايمه.. وكان محمد عاده ماهو عارف ان غاده قبل شهر تقريباً كان في المستشفى من الدوده الزايده...)

عبدالله:لاشكلها نايمه..

محمد:اها انزين بس خلاص خليها..وهاه شي جديد..؟
عبدالله:ماشي جديد عندنا..انت قول ايش الجديد معك..؟
محمد:ههههههه يعني انا الي بيكون عندي شي جديد..المهم وكي العريس زيد رجع ولاعاده..؟
عبدالله:لاعاده...مسكين خليه لاتقرقر عليه خخخخ
محمد:ههههههههههههههههه والله دنيا وكبرنا خخخ قدنا شيوبه ومادرينا
عبدالله:هههههههههههههههههههههههه قده شعر هذا خخخخخخ
محمد:لاحد يلومني خخخخخخ بجلس كم من سنه حتى اصير شاعر خخخخخخخخخخخخخخخ


(ههههه وكذا حالة الغربه...)

اليـــــــــوم الثاني..

الموقع:عوقد بيت ابوزيد_المجلس
الوقت:الساعه 1 الظهر شهر 8

(كان حسام ومحسن جالسين في المجلس ومعاهم ابوزيد بيوريهم صور تخطيط البيت الي اشتروها في السعاده...)

حسام:لارهيبه والله...وشكلها منطقه جديده عاده بيكثرن فيها البيوت الجدود
ابوزيد:ايوه منطقه جديده...والبيت وسيعه...والحوش نقدر نسوي فيه جراج لسيارات وباب اتوماتيك
محسن:يبااه والله شي .. لازم نشتريها
ابوزيد:هههههه خلاص قد اشترينها ماعندك خبر..!

محسن بفرح:ههههههه والله الحمدلله وووهي لو ماشتريناها وقد شفتها بحلم بها ليل نهار هههه
حسام:ماعد قدها بيت هذي ههههههه


الموقع:السعاده_بيت ابوعبدالله_الصاله
الوقت:الساعه 2 الا ربع


(كــان سعيد جالس بيلعب بلايستيشن..ومتحمس كثير كثير..ومعلي صوت التلفزيون وانزعجت غاده من الصوت...)

غاده عند باب حجرتها:سعيـــــــــــــد
سعيد:ايش..؟
غاده:نقص الصوت شويه حرام عليكـ
سعيد:انزين...(ونقص)

(بعد نص ساعه طلعت غاده وجلست في الصاله مع امها وسعيد الي كان بيلعب...)

ام عبدالله:سعّود سير لعب فوق
سعيد:لحظه...(وكمل لعب)

ام عبدالله بتكلم بنتها:كي صبحتـي
غاده:الحمدلله :)

ام عبدالله انزعجت:ياسعيد استوجعت راسي سير لعب في الصاله الفوقانيه
سعيد:زين بطلع لحظه بخلص وبخزن اللعبه
ام عبدالله قفت به:بتروحين اليوم معي ... بسير عند خوالش..؟!

غاده:ماني قادره...مالي نفسي يمكن اقول لـ خلود تجي عندنا من زمان ماجت
ام عبدالله:بس تمام...قولي لـ الشغاله تسوي لكن العشاء الي تردينه..(وترجع تكلم سعيد)...ياسعيد ماخلصت من هذي البلايستيشن..شوف بشله وبكسره وماعد بتحصله..!!

سعيد انزعج:انزيييين لحظه بغيتني اسكر ووصلت هذي المرحله ..!

غاده:ههههههه قفي به بيطلع لش بروحش حتى يروح
ام عبدالله هزت راسها:شقيـت ع عمري ههه



**بعـــــــد مرور شهــر**

الموقع:السعاده_قدام بيت ابوزيد الجـــديدهـ
الوقت:الساعه 12 قبل الظهر شهر 9

(كان ابوزيد وعياله حسام وعوض ومحسن قدام البيت الجديده الي اشتروها...وكانت حلوه كثير ودرايشها واسعات تشرح الخاطر...ولونها حليبــي وبني...وتصميمها رهيب وجديد...)

عوض:ما شاء الله حلوه احسن من الصور
حسام:تكون مبروكه ان شاء الله
ابوزيد بأرتياح مايوصف:الحمدلله ع كل حال .. والحمدلله اني رجعتكم لـ السعاده
محسن:هههه ايوه بقعتنـا
عوض:ههههههههههههههههههه عور
حسام يسلم ع جبين والده:سلمت يباه وطال عمرك ان شاء الله
عوض+محسن بيسلمون عليه:طال عمرك يباه


(وبعد ماحترقوا زين في الشمس خخ رجعوا البيـــت...وفي الطريق..رن تلفون حسام...)

حسام:آلووه
حمـد:آلوووه كيفك ياواد..؟
حسام ابتسم:الحمدلله كيفك ياقرد
حمد:قرد في عينك..الحمدلله ههههههه
حسام:هههههههههه .. خبور
حمد:خبور خير .. (بنبرة اكشن) .. مادريت ببن عمك ايش بغى يسوي..؟
حسام:ليش واره بن عمي خخخخ..؟
حمد:لو سمحت انت بتكلم مع واحد مقبل ع زواج...تكلم معه باحترام اكثر ههه
حسام طاق عليه الضحك:حرقنــــي ع قول طارق خخخخخخخخخخخخخ
حمد:هههههههههههههههههه ايش فيك بتضحك بتكلم جد اني خخ
حسام:هههههههههه اوه ما شاء الله بن عمي طلع مش شويه..! وع مين يعني نويت...حد نعرفه..؟
حمد:ايوه احيم احيم
حسام:ههههههههههههه منهي هذي المغيوبه خخخ..؟
حمد:مغيوبه في عينك
حسام:هلكت عيني خليها في حالها ياخي... هههه وقولي يلا...

حمد:بنت حمــد بن ....الـ...

حسام:مبــرووكـ والله...توفقت بها الصراحه
حمد:احيم عارف ههههه
حسام بفرح:مبرووك والله تستاهلها...وكي شي رسمي ولاعاده
حمد:لاعاده بسم الله الرحمن الرحيم عادني الا كلمت والدها لا اكثر
حسام:هههههههههههه اها انزين الله يوفقك ان شاء الله وخبرني اذا شي جديد صار خخخخ
حمد:لاماعليك يابن العم..انزين يك بتفطــر انقلع من وجهي
حسام:سود الله وجهك المعوج..ههههههه زين بالعافيه
حمد:ههههه الله يعافيك...حياك


(وسكــر حسام من التلفون..)

ابوزيد:هذي حمد..؟
حسام ابتسم:ايوهـ
ابوزيد:شخبـاره..؟
حسام:الحمدلله بخيره هههه
ابوزيد:ليش بتضحك..؟
حسام بغى يغير الموضوع:لاماشي ههههه


(يوم وصلوا البيــت...نزل حسام وراح لــ حجرته واتصل في حمد مره ثانيه عشان يكلمه اكثر..)

حسام:ههههههههههههههه ايوه انته ايش قلت..؟!

حمد:هههههههه حد كان عندك هاك الساعه..؟
حسام:يعني والدي وخواني .. المهم ايوه كي من صدقك الحين..؟
حمد:ايوه لاه ع بالك بضحك...!

حسام:هههههه حرام عليك يابن عمي بغينا عرسنا يكون مع بعض..انت مش كذا قلت..؟!

حمد:انزين يجوز ان يكون عرسنا مع بعض واكون انا خاطب الحين خخخ
حسام:ههههههههههه بس تعرف والله توفقت مبرووووك منك المال ومنها العيال ان شاء الله
حمد استحى:مشكور والله وربي يبارك فيك
حسام:والله فرحت لك...بس هاه لاتتزوج وتخليني ههههه
حمد:لاتخاف مع بعض بيكون عرسنا
حسام:هههه بس زين


(لما خلص حسام المكالمهـ نزل تحت لان كان هلوا بيطرحون الغداء...وع سمـاط الاكل كان حسام وعوض ومحسن والوالده جالسيـــن بيسولفون ^_^ ...)

ام زيد:ههههههههههه انتوا مابغيتوا تخلون التعليق
محسن:يماه قسم بالله شكله زي الجمل وربي وربي
عوض:محسن عيب عليك
حسام:هذي لسانه متبري منه زي واحد اعرفه خخخ
عوض:ههههههههههههه ايوه اعتقد عرفته خخخخخخ
ام زيد:ضحكوا ع الناس حتى يطلعون بعدين عيالكم اخس منهم
محسن:استغفر الله يارب التوبه
حسام:ههههههه هذي يتوب مابتقدر بخبرك من الحين خخ
عوض:ههههههههههههههههههههههه


(وع هم بيضحكون جى ابوزيد بعد ماكان بيغسل يدهـ..وجلس...)

ابوزيد:ياللهـ خلو الكلام وسموا وكلوا..

حسام:ان شاء الله ..(ويطالع محسن ياخى "سكت" خخخ)

عوض:بسم الله


(وجلســــوووا بيكلون..ولما خلصوا...)

حسام:يمـاه كبي لي تانــج
ابوزيد بساله:شليت امس الاوراق مال البيت معك..؟
حسام بيرد عليه:ايوه شليتهن..حطيت لك اياهن عند الدرج
ابوزيد يقوم:بس زين...الحمدلله
ام زيد:بالعافيــــه...(وتكلم حسام وعوض ومحسن)...خلوا الملقه مالتكم وخصلوا خلوا الشغاله ترتاح شويه
عوض:زين خلصت انا


الموقع:السعاده_بيت ابوعبدالله_الصاله
الوقت:4 العصر شهر 9

(كــان سعيد وغاده بيشوفون التلفزيون...وكان سعيد بيلعب بالتلفون ماله وبيراسل صحابه...اما غاده كانت بتشوف Friends ع mbc4 ومندمجـه ع الاخر...وجيت ام عبدالله عندها...)

ام عبدالله:ياغاده اني بسير عند حبوبتش ومابتاخر بعد المغرب برجع
غاده استغربت:ليش ماقلتي لي...كان بغيت اسلم عليها..؟!

ام عبدالله:بيجن حريم هناك وبيسلمن ع حبوبتش..

غاده:اها...وايش المناسبه..؟
ام عبدالله طفرت:المناسبه بغن يسلمن عليها...وعبدالله قده بره عجلي وجيبي المجمــر من المطبخ


(قامت غاده وراحت تجيب المجمر...ويوم قدها جايه رن تلفونها..)

غاده:آلوه
خلود:آلوين..

غاده بفرح:ياحي ياحي
خلود:كيفيش..؟
غاده:الحمدلله...يش غيرتي رقمش ولا أيش...؟
خلود:لا امي غيرت رقمها...شوفي الرقم كيفه شي خخخخخ
غاده:ايوه خطير هههههه
خلود:يش بتروحين الجربيب معانا..؟
غاده:متى..؟ بعد المغرب..؟
خلود:ايوه نحن والشله كلنا اليوم
غاده:انزين بشوف بسال امي وبعدين برد عليش
خلود:بس زين...يالله حياش


(دخلت الصاله...الي فيها امها وسعيد خوها...وبيدها المجمر..)

غاده:هاش يماه
ام عبدالله:سيري جيبي الدخون بتحصلينه عند التسريحه
غاده:زين...(وراحت)

(ووقتهـا دخل عبدالله وهو مبتسم لامهـ...)

عبدالله:كيف ماخلصتي..؟
ام عبدالله:لاخصلت بدخن وسايرين
عبدالله:في ناس بيجون بكره عندنا..!

ام عبدالله مستغربه:ايش من ناس..؟!

عبدالله ابتسم وبصوت واطي:حمد بن ... الـ... كلم والدي عن غاده
ام عبدالله مافهمت:كلمه عنها...اليــه..؟
عبدالله ضحك ع امه:هههههههههههههههههههههه عاده عشان ايش...(ويوطي صوته)...عشان يخطبها بس عاده ماصار شي رسمي
ام عبدالله بفرح:والله...ههههه كله خير
عبدالله:هههههه شفتي كيف الناس كبرو وقدهم بينخطبون


(وسكتوا لان غاده جت وفي يدها الدخون الي امها تريد تدخن به...وشافاتهم بيطالعون وهم مبتسميــن لها...)

غاده مستغربه:ايش فيكم..؟!!

عبدالله طالع امه وابتسم:مالش دخل..المهم يماه اذا خلصتي طلعي علي بكون في السياره انزين..؟
ام عبدالله:انزين انفديكـ


(طلع عبدالله وحجر لـ امه حتى تخلص...)

غاده قفت بالموضوع:يماه اليوم بروح مع خلود لـ الجربيب بعد المغرب انزين...؟ وبيكونين معي بنات خالتي
ام عبدالله:انزين بس لاتتاخرين الساعه 11 ترجعين
غاده:انزين ...(وتسلم عليها)

ام عبدالله ابتسمت:فدى عمرش.. يالله تخلفنا العافيه وبقول لـ عبدالله يجي لش بعد المغرب...(وراحت)

(وجى وقت المغرب وراحت غاده لـ الجربيب وارتاحت كثير مع البنات الي يقربن لها والشله...ولما جت الساعه 11 فالليل رجعت الى البيت لما جالها بن خالتها يشلهن...)

يتبع...

[A l . Z E I N]

السلام عليكم ورحمة الله وبركاته
ابدعتي يا فديت ظفار بصراحه القصه
حلوووووووووووووووووووووووووه كثير
مايجي من الزين الى الزين

[فديـ ظفارـت]

احيم احيم شكراً لا داعي ههههه
أن شاء الله تعجبك التكملة
مشكووور الزين ع الرد الجميل
يعطيك ربي العافيه

^_^

[عـزتيْ فيْ سموْ ذآتيْ]

آبصم عليش بآلعشر بصرآحه آلقصه روووووووووووووووووووووووعه
آقسم بآلله آش روووعه

يش يش بعدين خلي الثقل بغينا علاطول نكمل ما بغيت بطني تحترق^^

خبرتش بغيتها لآنهآ شي ^^..}

[فديـ ظفارـت]

اليــــــــــــوم الثاني

...


الموقع:السعاده_بيت ابوعبدالله_المجلس



الوقت:الساعه7 ونص بعد المغرب – شهر 9




(كــــان عبدالله وابوعبدالله ومعاهم سعيد..جالسين في المجلس حاجرين لي ابوحمد وحمد...الي جاين عشان يخطبون ويكلمونهم...كان سعيد وعبدالله في المطبخ بيستعجلون الشغاله وامهم عشان يخلصن القهوه بسرعه..ورجعوا وفي يدهم الحلوى الحاره...)




ابوعبدالله:يالله خلصوا ماشي وقت الجماعه جايين في الطريق



عبدالله:زين بنخلص الحين باقي بس القهوه والحين بيصبونها



ابوعبدالله:زين سعيد سير عند والدتك وساعدها هي والشغاله ودخل الفواله



سعيد:انزين...(وراح)




الموقع:السعاده_بيت بوحمد_عند الباب



الوقت:الساعه 8 الا ربع شهر 9




حمد:يالله يايبــاه ماشي وقت



ابوحمد:لحظه صبر ايش فيك بتفرفر علينا..؟



حمد استحى:آسف مربوش شويه



ابوحمد ابتسم:خلي التفرفار بنروح مابنتاخر عليهم



حمد:زين





(بعـــــد مرور ثلاث ساعات كان قد تمت الخطبه وكانوا بس حاجرين رد غاده ع الخطبه...وعطوها اسبوع تفكر فيه...حتى ترد لهم الخبر...)




اليــــــوم الثاني

...


الموقع:عوقد_بيت ابوزيد_حجرة عوض



الوقت:الساعه 1 ونص الظهر نهاية شهر 9




(بهذا الوقت قامـ عوض وراح لـ الحمام يسوك ويتوضئ عشان يصلي...وكان في الصاله حسام ومحسن الي كانوا خلاص دارين بسالفه حمد بن عمهم...والي كان عوض يجهل هذا الشي...)




حسام:صح النوم يالشيبه



محسن:ههههههه غريبه مش من العوايد



حسام:ههههههه كان انته عسكري ايش فيك نمت لـ حتى الحين



عوض:حوووه امس سهرت ع فيلم استعرته



محسن:ههههه فيلم زي وجهك ماعرف ليش اشتريته



حسام:ايش من فيلم هذا..؟



عوض:شوي شوي علي...خلوني اغسل وجهي و اتوضئ عشان اصلي وبجيكم





(غســل عوض وجهه...وراح لــ حجرته يصلي وبعد خمس دقايق طلع منها...وسار الصاله عند خوانه...وكان حسام بيكلم محمد الي في امريكا...)




حسام:اوووه زين لا اتصلت الشيبه هههههه



محسن بيكلمه بصوت واطي:ايش فيك اليوم ع كلمه الشيبه خخخ



محمد:سلمت بك لله البطاقه بتخلص وانت بتضيعها في تكركار



حسام طاق عليه الضحك:هههههههههههههههههههههههههههههههه



محمد:بلا ضرووس...يالله شي جديد..؟



حسام:شايفني عمان في اسبوع خخخخخخ



محمد:ياهذي الضحك الي مابغى يخلص هههههه





(ودخل عليهم عوض...وكان مبتسم لان عرف ان حسام جالس بيكلم محمد...)




عوض بيكلم محسن:الشغاله سوت شي فطور..؟



محسن:ايوه سوت حوح روح بتحصله في المطبخ





(راح عوض المطبخ...وبعدين تبعه محسن...)




محسن:يك دريت..؟



عوض بدون اهتمام وهو بيفتح الغلاف:بأيش..؟



محسن بتردد:ان حمد بن عمك خطب غاده..!




(عوض سكــــــت وخلا نفسه عادي..)




عوض:يعني ايش...ردوا عليهم الخبر ولاكيف..؟



محسن:لاعادهم..



عوض بتهرب:انزين عشان ايش بتقولي..؟



محسن:ماشي بس قلت يمكن تريد تعرف...(وراح رجع الى الصاله)




(جلس عوض سرحان في مكانه وهو بيتحالي في الحوحه الي بيده...وطلع الحوش...وجلس بيفكــر...انتبه محسن ان عوض ماجى..راح يشوفه...وسمع صوت الكوب مال الشاهي وعوض بيحطه في الدرجه...)




محسن جلس بجنبه:هاه كي ايش فيك..؟



عوض:محسن لاتغبز بي انزين



محسن:زين ماقلت شي..




(قام عوض من مكانه ودخل..)




محسن:مابغيت تشرب الشاهي مالك..؟



عوض:مالي نفس...(وراح)




(اتصل بعدين عوض في مروان وتاكد منه ان الي قاله محسن كان صح...وكان مروان اش تعبان له...لان هو الي كان عوض يشكي له...)




عوض بقهر:وكي الحين بصراحه قهر يامروان قهر



مروان بتعب:عوض اذا لك نصيب فيها بتشلها



عوض:متى بشلها وبعدين عادها تعتبر صغيره كيف خطبها



مروان:عوض هدي ايش فيك..عادهم ماردوا لنا الخبر..ويمكن مايوافقون لان البنت عادها صغيره ع الخطبه



عوض:بس انت تعرف معزة حمد عند عمي



مروان:عارف بس ولو..يبقي المصير عندها وعاده اسبوع



بعد اسبوع خير اذا ردوا
عوض بيتنهد:هيممممممم





**بــــــــــــــــعد مـــــــرور اسبــــــــــوع**




الموقع:السعاده_بيت ابوعبدالله_الصاله



الوقت:الساعه 2 بعد الظهر شهر 10




(رجعت غاده من المدرسه...وحاسه ان الدنيا عليها ثقل كبير ماتقدر تشله..هي عارفه ان هلها متفهمين ومستحيل يغصبونها ع شي ماتريده...لكن فكرة ان هي الي توافق وترفضه صعبه بالنسبه لها...)




ام عبدالله:رجعتي...انفديش بتتغدين الحين بنحط الاكل



غاده بتعب:لايماه فديتش بروح انام تعبانه



ام عبدالله:ايش فيش..؟



غاده:ماشي بس نعسانه بغيت انام شويه واريح



ام عبدالله اطمئنت:انزين فدى عمرش سيري ريحي نفسش





(الساعه 6 المغرب قامت غاده ع صوت اذان المغرب وحاسه نفسها تعبانه كثير...ورقبتها كلها عرق...كانت الكهربه مسكره..وحجرتها مظلمه مره...قامت بصعوبه وهي بتحس حس ع الجدران والادراج حتى وصلت لـ الباب وفتحته...)




غاده وهي بتشوف شمعه قدامها:يمــاااه..؟



ام عبدالله من تحت:هاه يمااه اني تحت تعالي



غاده شلت الشمعه ونزلت:من متى تسكرت الكهربه..؟



ام عبدالله:من ساعه...



عبدالله:نحن في صلاله اذا ماسكرت الكهربه في الشهر يكون شي موطبيعي خخخخخخخخخ



سعيد:ههههههه عش سعيد خخخ مع سعيد ههههههه



عبدالله يكفخ سعيد براسه:عش نحيييس قول



سعيد:ههههههههههههههههههههه



ام عبدالله:بغيتي تشربين شاهي..؟ ولاتكلين شي..؟



غاده بتجلس قدام الترمس:بشرب شاهي حاسه راسي بيدور علي



سعيد:صبي لي شاهي



غاده:تعال سوي لنفسك الترمس ثقيل



ام عبدالله:خليه اني بسوي له

يتبع...

[فديـ ظفارـت]

اليـــــــــــوم الثاني

...


(كانت غاده غايبه...وماسارت المدرسه...ويوم خلص الدوام اتصلت عليها خلود...لانها بنفس الصف...وسوت لها رساله..)


"غدود ايش فيش ماجيتي الدوام؟"
"ماشي تعبانه شويه"
"سلامات فديتش..انزين يش بكره عندنا امتحان انجليزي ذاكري عشان اغش منش خخخ"
"هههه انزين...وغبزها ماقدرت تسوي امتحان الا الحين"
"شفتي كيف بغالها صفعه..يش خلص رصيدي سلمت بش لله"
"هههههه انزين حياش"


الموقع:السعاده_بيت ابوعبدالله_الصاله
الوقت: الساعه 6 المغرب..شهر 10


(كانت ام عبدالله وعيالها بيشربون شاهي وجالسين بيشوفون طاش ما طاش ع بوظبي...وغفلانين عليه وضحك وتكركار :)...ونزلت عندهم غاده وفي يدها كتاب انجليزي...)


غاده:سلام
الكل:وعليكم السلام
غاده انتبهت ع التلفزيون:طاااش مااا طاش..؟؟!!
عبدالله:ههههههه
ام عبدالله:بغيتي شاهي..؟


(وكذا كانوا مرتبشين وغفلانين خخخ...بعد ساعتين...في بيت ابوزيد...)


الموقع:عوقد_بيت ابوزيد_المطبخ
الوقت:الساعه 8 العشاء شهر 10


(كان عوض ومحسن جالسين في المطبخ بيكلون الفطاير الي سوتهن الشغاله...وبعدين جلسوا بيتكلمون...ورن تلفون عوض...)


عوض:آلوه
مروان:آلوه كيفك.؟
عوض:الحمدلله بخير
مروان:يك بتجي بغيت اروح البحر خلينا نجلس ونسولف شويه..!
عوض حسه يريد يقوله شي:انزين تمام بجي لك الحين
مروان:زين بحجر لك.. حياك


(سكر عوض...وقام ع طول تسبح ولبس بنطلون وطلع...ومعه سياره حسام خوه...)


الموقع:قدام بيت ابوحمد_الحوش
الوقت:الساعه 8 ونص شهر 10


مروان:تعال دخل
عوض استغرب:انت ماقلت بغيت تسير البحر..؟
مروان:تعال انزين دخل حتى ألبـــس
عوض بتهرب:لاعادي بحجر لك في الســــياره
مروان بجديه:عـــــوض دخل
عوض:زين زين


(كان مروان خبر حمد خوه ان عوض يريد غاده...بس حمد ماصدقه وقاله مروان.."بخليه يجي عندنا وبكلمه عن هذا الموضوع في المجلس وبخلي الباب مفتوح وانت سمع بنفسك ايش بيقول"...واتفقوا ع هذا الكلام...والي ماكان يعرفه عوض...)


عوض شاف ان مروان تاخر:يالله ماخلصت بتكشخ عشان مين هناك..؟
مروان:تعرف كيف اخرت مابغيت اروح...ايش رايك نجلس في البيت..؟
عوض ماهو مرتاح:احسن لنا نسير البحر...مابغيت اروح من بيتنا الى بيت اريد اتنفــــــــس شويه
مروان:انزين بنجلس شويـــه وبعدين بنروح
عوض اقتنع:زين بـــــــــس شووويـه


(وفتح مروان بعد خمس دقايق موضوع غاده باسلوبه الي يسحب الكلام ... وخلا عوض يشكي له مره ثانيه ويقوله كل الي بخاطره..وهو مايعرف ان في واحد بيسمعهم وفاتح عيونه ع اخرهن...)


حمد وهو بيدخل:حياك عوض...كيفك..؟
عوض ارتبك ياخى "من وين طلع":الحمدلله
حمد وعليه نظره غريبه:من زمان ماجيت عندنا..!
عوض ارتبك زياده:تعرف ظروف واشغال
حمد:ايوه صح نسيت الدراسه...الله يساعد


(مروان طالع حمد خوه بنظره وكانه بيقول له..."ايش الي جبك..؟"..)


مروان وع وجهه الخوف:عوض ايش رايك نروح البحر الحين..؟!
عوض لاحظ الخوف عليه بس تجاهله:انزين خلا


(وطلعوا بسرعه من هنــاك...وكان مروان بيعجل من خطواته وبيمط عوض من يده...)


عوض بطفره:شفيـــــــك..؟
مروان:ماشي بس انته مابغيت تروح البحر..؟
عوض شك وركز عيونه ع مروان:مروان شفيك..؟
مروان:ماشي ليش ايش فيني..؟
عوض عصب:لايكون حمد كان بيسمعنا..!؟
مروان:لالا..!
عوض:لالا...وانا شفت طريقة نظرته غريبه...(وراح)


(لحقه مروان بسرعه قبل لايروح وهو معصب عليه...)


مروان:بالله عليك يعني بغيت تقولي...انك ماكنت تريد حمد يعرف انك تريدها..؟!
عوض عصب اكثر ورفع صوته:مروان انت فيك حسكـ..؟ خليتني اقول لك كل هاك الكلام ولامسكتني وكل شي حمد خوك بيسمعه..؟!
مروان:انزين انت ماقلت شي غلط...ياخى يحق لك تتمنى وحده ولا كلامي غلط..!!!
عوض:شوووف هذا الكلام قوله في النت..ماتقوله هنااا..لان هذا الكلام مايمشي في واقعنا فهمت ..!؟
مروان:يمكن الحين حمد بيغير رايه ومابيفكر فيها
عوض:ايوه وبيفسخ خطوبتها...وبيتكلمون الناس وبيقولون ايش فيها يوم غلب منها...(وهز راسه بحسره وقلب ظهره وركب السياره)
مروان وهو ماسك باب السياره:امانه سمعني شويه عوض لحظه
عوض:سير سير .. يوم هاك السنه كنت نصفي الثاني
مروان مسك يد عوض:عــــــــــوض لحظه...سمعني..ع بالك سويت كذا لاني اريده يعرف عنك كل هذا..؟...انا سويت كذا عشان حمد قال انه يريد يتأكد من كلامي..وانا عارف انه الحين غير رأيه...ومابيفكر فيها..وانت تعرف حمد كيف يعزك...!
عوض:لكن اذا هو خطبها أكيد بيكون متمسك فيها بالقوه...مابيخليها لي انا
مروان:لاعادي بيخليها...وبيحصل و حده مناسبه لعمره عشان يتزوجها لاتخاف عليه
عوض هدى شويه:بس والله مانسيها الحركه هذي...قهرتني وفشلتني... وانت تعرف اكره هذي المواقف
مروان:بس خلاص صار خير...الحين خلا بنروح البحر...ريح اعصابك شويه وخلينا نفرفش..كـــي قلت..؟
عوض بأستسلام:خلا ايش بسوي الي صار صار..!
مروان يسلم ع راسه:هههه بس خلاص لاتزعل...ان شاء الله كل شي بيكون تمام


اليــــــــــــــــوم الثاني..


الموقع:السعاده_بيت بوحمد_حجرة حمد
الوقت:الساعه 3 بعد الظهر شهر 10


(كان حمد جالس ع الكرفايه وعنده مروان خوه...)


مروان:كي الحين...بتغير رايك ولاكيف...؟
حمد بعصبيه:وعشان بغير راي..؟
مروان حاس ان اعصابه بتفلت منه:عشاان..؟ مش انت قلت بغيت تتاكد وبتشوف بعدين كيف..!!
حمد:انزين قلت بشووف انا...وعادني ماني عارف
مروان:ياحمد لاتجنني...!
حمد طفر منه:هذي مسائله حساسه يالغبي...ماقدر اغلب منها بدون سبب..لازم اقول ايش سببي...
مروان حس ان السالفه معقده:والحيـــــــــــن..؟!
حمد:والحين بشوف ومابيصير الا كل خير...
مروان:لاتخلي حد يعرف بالسالفه..امانه ماشفت عوض كيف امس عصب علي
حمد ابتسم:ههههه يويو...انزين يالطيره كان تخبرني قبل غبزك...بس عادي مابيكون شي خطير ولابتكبر السالفه
مروان:ههههه تصرف مشكلتك


الموقع:عوقد_بيت ابوزيد_الصاله
الوقت:الساعه 11 ونص المساء شهر 10


(خلصوا عائله بوزيد من الترتيب لاغراضهم...الي كانوا بيشلونها بكره الصباح الى بيتهم الجديده في السعاده...وكان موقعها قريب شويه من بيتهم الاوليه الي كانت هناك...لكن بيتهم كانت قريبه للوادي اكثر...وكان زيد قد رجع قبل شهرين وكانوا جالسين في جناحهم الصغيرون حتى ينتقلون الى بيتهم الجديده الي في السعاده ويتوسعون...)


زيد بتعب:وووهي كي تعاب...
ام زيد:فديت عمرك ارتاح بغيتني اسوي لك شاهي..؟
ندى قامت:جلسي ياخاله انا بسير اجيب الشاهي..
حسام:ههههه الحين بتشربون شاهي بتسهرون ومابتقومون بكره
ام زيد:عادي..سيري فديتش وسوي


(محسن وعوض كانوا ساكتين عادهم مستحين من ندى..ههههه زوجة خوهم...وكلامهم معها قليل ومختصر..بيثقلون الاخوان خخخخ...)

يتبع...

[عـزتيْ فيْ سموْ ذآتيْ]

يا فديت البارت الي بعده الشيمه الي بعده

[فديـ ظفارـت]

الـيـــــوم الثاني

...


الموقع:قدام بيت ابوزيد_عوقد
الوقت:الساعه11 الصباح شهر 10



(كانت في شاحنه قدام البيت...عشان تشل الاثاث الي باقي...اما اغراض العائله الشخصيه...كان السايق مال جدودهم بيشلهن ع شويه شويه...)


محسن:فكه من عوقد
عوض:هههههههه والله كانت حاره حلوه
محسن:هههه ماشي حالها...السعاده احسن
عوض:كل حد يشوف حارته زينه
حسام يقاطعهم:انزين خلوا النقاش الهادف هذا وساعدونا وشويه
عوض + محسن بيضحكون:ههههههههه انزين


الموقع:بيت ابوزيد الجديده_السعاده
الوقت:الساعه 10 المساء شهر 10


ام زيد برتياح:الحمدلله خلصنا البهذله
ندى:مفروض نفتح قرآن عشان تتبارك البيت
حسام:ايوه صح...(وراح السياره)


(طلع حسام وراح السياره مالته الي كانت داخل الحوش...وفتح الدرج وطلع شريط سوره البقره بقريها عبدالرحمن السديس...وفتح المسجل وعلى شويه الصوت...وهو عارف ان ماحد بيسمعه لان الحاره عادها جديده ومافيها ناس كثير...ودخل مره ثانيه...)


حسام:فتحت المسجل في السياره حتى والدي يرجع هو والسايق ويجيبون المسجل
ام زيد:صلحت..


(جت ندى ومعها جلاصات فيهن ماي بااااااارد...)


ام زيد:فدى عمرش...(وشربت)
عوض + محسن:شكراً...(وابتسمت لهم)


**بعــــــــد مرور اسابيــــــــــع**


الموقع:السعاده_بيت ابوزيد الجديده_الصاله
الوقت:الساعه 1 الظهر نهاية شهر 10


(كانوا العائله كلهم متجمعين في الصاله...قبل الغداء...حسام وزيد بيتكلمون عن واحد ولد بحارتهم القديمه...)


حسام بيكلم زيد:هههه تعرف انه حتى الحين يستحي مننا
زيد:اما انكم سويتوا له قصه هههه
حسام:حاسه تعقد مننا
زيد:عاد عليه والله
عوض يقاطعهم:ع مين..؟
حسام:ماحد لي تعرفه هههه
زيد:هههههه


**بعــــــــد مـــــرور شهريــــــــــــــــــــــن**


(دخـــل بوزيــد المستشفـــى...زاد عليهـ التعب مثل الي صابهـ لما كانوا في عوقد...والكل كان منتظــر خارج غرفه الانعـاش..وطلع الدكتــور وع وجهه حزن مايبشـر بخيــر...شافه زيد وحسام..وجوا عنده بسرعـــــه..)


زيد بخوف:هاه دكتور كيف..؟
الدكتور:الحمدلله..عدت ع خير...جاته جلطه من صدمه...ولازم يكون بعيد عن الضغوط بقدرالامكان


(طالع زيد حسام خوه...وبعدين سألوا الدكتور...)


زيد مستغرب:ايوه بس دكتور الوالد ماكان مصدوم..!
الدكتور:مانقدر نقول..يمكن الضغوط المتراكمه كان سببها الجلطه..بعد اربع وعشرين ساعه راح نقيم حالته...وان شاء الله ماعليه باس
حسام بشكر:مشكور دكتور..ماقصرت


(ابتسم الدكتور وراح..وجلس زيد وحسام في حيره..."جلطه...ومن ايش..؟"....قلبوا ظهورهم عشان يشوفون العيون الي تسألهم بسكوت عن حال ابوزيـد...)


بوحمد وهو جاي لهم:هاه ايش قال...؟؟؟
زيد:قال جلطه..؟!
بوحمد:جلطــــــه..؟
حسام:ايش من ضغوط بيتكلم عنهن..مابان ع والدي شي..؟
بوحمد:ابوكم من يوم كان مايشكي لـ حد حتى تراكمن عليه الضغوط وبدون مايتكلم..!
زيد بحزن اختلط به خوف:الله يستــــر بس


(وهم واقفيــن جى عوض ومحسن الي هاك الساعه عرفوا بالي صار...لان كانوا بايتيــــن عند جدودهم...)


محسن وقلبه بيتوقف:ياعم ايش قالوا...ايش صار له والدي..؟؟؟
بوحمد بيهديه:مافيه الا كل خير ان شاء الله..شي بسيط..بيرجع البيت قريب باذن الله


(حسام طالع عمه بدون شعور وكانه بيقول..."متاكد؟؟"...)


عوض مسك محسن:هدي خلينا نعرف ايش صار...!
ايش قالوا ياعمـ..؟؟
بوحمد:ان شاء الله خير..الحين انتوا سيروا وخبروا الي جالسين ع نار انه بخير ومافيه ان شاء الله الا العافيه


(عوض وقلبــه مقبوض...بس مسك محسن وراح من هاك المكان..وجى قدام امه الي بتطالعه..وكانه بتقوله.."قولي بخيره"....)


عوض بجديه:والدي بخيره ومافيه الا العافيه
ام زيد وبتدمع عيونها:الحمدلله يارب...بغيت اشوفه
عوض تورط:بعدين الحين الدكاتره عنده
ام زيد بخوف:انته قلت انه بخير...ليش يكونون عنده..؟
عوض:دكاتره وهذي وظيفتهم...مانريد نزعجهم


(وماكثر كلام وقلب ظهره وراح...عارفها مابتتبعهـ لان المكان فيه رجال كثير بره...وكان معه محسن الي عيونه بيدمعن...)


عوض بحرقه اعصاب:لاتفااااول عليه انزين...(ويضربه ع راسه)
محسن بصوت مخنوق:قسم بالله مابرتاح حتى اشوفه
عوض بطفره:انا ارتحت من امي تجيني انته..استغفر الله العظيم...يامحسن ارجوك ظروفنا ماتسمع نجلس نبكي...اشتـــــد شويه..ايش فيك..؟؟؟


)...بعد شويه..)


حسـام بيصيح ع عوض ومحسن: ياعوض .. تعال انت ومحسن


(جوو بسرعه لعنده...)


حسام:تعالوا والدي قام اذا بغيتوا تسلمون عليه


(محسن من كثر ماهو حساس دخل بدون حس..كان بوزيد تعبان كثير وباين عليه..لكنه حاول يكابر
قدام عياله عشان مايبين لهم شي...)


اليـــــــوم الثاني....


الموقع:المستشفى
الوقت: الساعه 4 العصر


( كان الاهل كلهم متجمعين قدام غرفة ابوزيد الخاصه...وكان دور عماته وخالاته...)


عمته: انتبه ع عمرك من التعب والسهر...والحين انفديك مانك مقصر..اشتريت البيت
ورتبت امور عيالك..ماشي له حاجه تتعب عليه وتهتم وتشغل نفسك به
خالته: ايوه ماعدك صغير...انتبه ع صحتك


ألــــــخ......


**بعد أسبــــــــــــــــوع**


الموقع:السعاده_بيت ابوزيد الجديده
الوقت: الساعة 11 الصبح


(كان عوض ومحسن وامهم في البيت...اما حسام وزيد عند والدهم في المستشفى...كان اليوم
الي بيرخصون فيه ابوزيد...)


ام زيد:ياعوض انفدى عمرك..تسير اليوم بعد الغداء للاستقرار تجيب الاغراض الناقصه
عوض:ان شاء الله...مفتاح السياره وين..؟
ام زيد:في الحجره عندك حطيته
عوض:بس تمام...
محسن:يمــاااه والدي متى بيجي..؟
ام زيد: الحين جايين في الطريق
عوض:مو احسن اجيب الاغراض الحين..؟
ام زيد:ليش يكون فاتح الحين.؟
عوض:اااه ماعرف..بس عادي بعدين بجبهن


(وصل ابوزيد البيت... ودخل مع زيد وحسام...الكل رحب وهلل بقدومه...)


ابوزيد:الحمدلله ع كل حال...ها وينها العروس..؟
زيد:عند عمامي ختها حامل وبتساعدها...تعرف خالتي مش هنا
ابوزيد:اها الله يساعد الناس ياولدي...
حسام:نوور نور البيت
محسن:ايوه بيشب ضووو
ابوزيد ابتسم:هههههه طفوا الليتات زين هههههه


(طلعن ليتات الصاله فتحهن ابوزيد بدون قصد يوم مسك الجدار...)


عوض:هههههههههههههههه لالا انت منور بدون الليتات
حسام:هههههه كي اشتغلن


(وهذا الي صار بهاك اليوم....)

يتبع.....

[فديـ ظفارـت]

**بعد أسبــوعيـــن**


الموقع:السعاده_بيت ابوزيد الجديده
الوقت:الساعه 1 ونص الظهر


(كان محسن,عوض,حسام,زيد,وامهم...في الصاله جالسين...بيشوفون تلفزيون...محسن وعوض بيسولفون
وام زيد وندى بيسولفن..اما حسام وزيد بيشوفون الاخبار...رن التلفون...وراح محسن يرد..)


محســن:طيب لحظه بخبره وبرد عليك..
الرجال:بارك الله فيك


(يوم بيروح محسن لـ عند غرفه هله..سأله حسام عن الي اتصل...وقاله بسرعه..)


محسن:رجال بغى والدي...(وراح)


(بعــد شويهـ...)


محسن من الغرفه:..يبــااه؟!...يباه؟!!!...يبااااااااااه


(حسام وزيد قاموا بسرعه...وجوا عند غرفة هلهم..وحصلوا محسن واقف قدام ابوهم
الي كان ممدود ع الكرفايه...)


زيد بخوف:يباااه...محسن شفيه..؟
محسن بخوف لحد الارتجاف:ماعرف مارد علي بشي
حسام بعّد محسن:رووح طلع...(وبصوت عالي)...ياعوووض بسرعه شغل السياره


(شلـــــووا ابوزيد للمستشفـى ع عجله...ودخلوا..ومنتظرين الدكاتره يطلعون...بس للأسف
توفى أبوزيــد...الكريم والطيب والي خاف ع مستقبل عياله اكثر من نفسه ومن صحته...)


**بعــــــــــــد ثلاث أيــــــــــام**


الموقع:السعاده_بيت المرحوم
الوقت:الساعه 2 بعد الظهر


(كانت ليلة الختم...طبعا الكل مو مستوعب الي صار..ولاحد يريد يصدق..لكن قدر ومكتوب
في زاويه من زوايا البيت...كانت أم زيد عند الحريم...بين قريباتها يواسونها ع هذي المحنه
كان البيت فيه جوو من الكآبــه والظلام...وع ريحة الكافور الي بقت من اول ايام العزى...باقيه
في جدران البيت....)


عوض بضيق:محسن..محسن وينك..؟
مروان:وينه محسن...؟
عوض:دريت به انا...!
مروان:بيكون فوق..؟!
عوض:خلا نشوف...(وطلعوا)


(حصلواا محسن فوق في حجرته بيلبس دشداشته...ووجهه شكله متورم ومحمر..عوض
عارف خوه زين...حساس كثير...عرف انه كان جالس لوحده بيبكي..وحمرة وجهه من البكاء
بس ما سأله عن شي...وخلاه ع راحته...)


عوض بيحاول يغير مزاجه:تعال الشيخ بنروح تحت.
محسن بهدوء:خلا كنت نازل
مروان:انتوا تقدموا انا بدخل الحمام (الله يكرمكم)


**بعـــــــــد شهـــــر من وفـاة أبوزيد**


الموقع:السعاده_بيت المرحوم
الوقت:الساعه 9 فالليل .. بعد صلاة العشاء


(كانت ام زيد في حجرتها...والبيت كان خالي..زيد وندى راحوا المستشفى
عرفوا قريب انها حامل..وحسام وعوض بره نفس الشي..ماعداااا محسن...الي كان فوق بحجرته..جى عوض
دخل البيت...وكان متجهه لحجرته...الي تكون قدام حجرة هله...سمع صوت امه بتبكي
بهدوء...حس نفسه يريد يخفف عليها...بس بنفس الوقت..ماله قدره
مايعرف كيف..يخاف يفقد السيطره ع عواطفه..ويبكيها زياده..تنهـــــــــد من قلبه
وقال في خاطره..."وين غاده الي كانت تسليها؟!"....دخل حجرته..وسكر الباب ومد نفسه ع الكرفايه بيفكر...)


اليـــــوم الثاني....


الموقع:السعاده_بيت ابوحمد
الوقت:الساعه8 فالليل.


(كان حمد في الصاله لوحده بيشوف برنامج..بس حسه مو معه..وبيفكر حتى جاه صداع..قام
وراح للحجره...وسكر الباب...بعد نص ساعه دق عليه مروان الباب...)


مروان: بتتعشي معي..؟
حمد:مالي نفس .. كل انت
مروان جلس عند: وأيش سويت ع سالفه الصغيره..؟
حمد:يعني .. حصلت عذر ..
مروان:ومتى بتردها..؟
حمد:وانت ايش دخلك...لاتصدعني الحين..كفايه الصداع الي فيني.!!
مروان قام:زين ماقلنا شي...بنتخبرك بس..


(بنفس اليوم...)


الموقع:السعاده_بيت المرحوم
الوقت:الساعة 9 الأ ربع


(كانت عائله ابوزيد بيتعشون...وكان حسام ساكت طول الوقت...اما الباقي
بيسولفون..بيحاولون يغيرون الجو الي عايشه فيه ام زيد...بعدين قام حسام...)


حسام:الحمدلله.....


(طالع عوض حسام خوه..مستغرب منه...حاس ان فيه شي..لكن مايريد يقول...)


زيد:ها بوطارق...وين رايح..؟
حسام: وراي مشوار تذكرته


(طالع زيد حسام بنظره..بس حسام طنشه...وطلع...وراح لـ عند عمامه بيت بوحمد...وجلس مع حمد
بن عمه...)


حمد بيحاول يهديه: زين هدي ياحسام...شفيك والله ماهي من حركاتك..!
حسام: والولد انكسرت يده
حمد:لا اله الا الله...زين عارف..عادي بترجع زي اول...المهم هم قالوا بيقاضونك..؟
حسام: لا خوه الكبير عفى عني..
حمد:زين خلاص...وين المشكله...باين ع الاوادم مسامحينك..عارفين ماكان قصدك
حسام: والله شايل همه
حمد:ماعليك ماعليك انته...ان شاء الله بيقوم بالسلامه
حسام: ان شاء الله


(كان حسام أمس معصب..وكان رايح بسرعه بسيارته بين الحارات..وتعرض له ولد صغير
ودعمــــه...وهذا الولد يتيم...وغضن منه حسام وتعب عليه...اول مره يأذي حد...وكان حسام يروح
يطوف ع الولد ويسلم عليه...ويجيب له الي يريده من حلويات والاشياء الي يحبها...بس عشان
يشوفه فرحان...ويخفف عليه...)


اليـــــــــوم الثـــــــــــــاني...


الموقع:المستشفى
الوقت: الساعة 4 العصر


(راح حسام يشوف الولد...وفي أيده كيسه متروسه حلويات...وغرفه الولد عامه
يعني ماتفرق غرفه عن غرفه الا بستاره...وحسام جالس عند الولد..أسمه محمد...كان
المريض الي ورا الستاره بيبكي...وكان ولد صغير نفس الشئ...وحسام بيسولف مع محمد...سمع صوته
غضن منه..فتح الستاره شووويه بيشوفه...جلس الولد بيمسح دموعه..وابتسم له حسام..)


حسام:بغيت تسولف معنا..؟
الولد بصوت مبحوح:لا
حسام انكشم:ههههه طيب برايك...(وسكر الستاره)
حمودي:ههههه كشيمه وووويه
حسام حمر وجهه:هههههه لاعادي خخخ


(بعد شويه فتح الولد الستاره..وابتسم لـ حسام..وحسام اشتبح هههه...وجلسوا كلهم بيسولفون..)


اليــــــــــوم الثــــــــــــــاني...


الموقع:المستشفى
الوقت:الساعه5 ونص بعد العصر


(جى حسام بيشوف محمد...لان هذا اليوم كان بيرخصونه...وجى يسلم عليه قبل لايروح..)


حسام فتح الستاره:السلااام عليكم
خت محمد تغشت:من هذا..؟؟


(انحرج حسام وسكر الستاره بسرعه...وبّعد..لبست برقعها..وطلعت...وبعدين دخل
حسام..الي كان بيصيح عليه محمد..)


محمد:قلت مابتجي
حسام:ايوه بعدين تذكرت اليوم بيرخصونك..هاكيف شفت عمرك..؟
محمد:احسسسسسسن بكثيييييييييير
حسام بفرح:ههههههههههههه دايماً ان شاء الله...هذيك مين البنت الي كانت عندك..؟
محمد:هاك منى ختي
حسام:اهااا...وين رايحت لاتكون الحين بتدور وانا جالس عندك..؟
محمد:لاعادي راحت عند خالتي...لانها هنا في المستشفى
حسام:خير ايش فيها..؟
محمد:جاااابت عباااادي
حسام فهمها:ههههههههههههه اها ربت..تستحق سلامتها


(سكت محمد..هذي الجمله جديده عليه..ماعرف ايش يرد...وحسام فهم عليه وابتسم..)


حسام:ههههه اذا حد قالك تستحق سلامة حد..تقول الله يسلمك
محمد بخجل:ههههههه كنت بقول اصلا
حسام بيضحك ع عفويته:هههههههههههههه..عادي بتتعلم اذا كبرت..يالله انا أستاذن الحين
محمد:خلاص ماعد بشوفك..؟
حسام:لا ان شاء الله بتشوفني..قولي انت وين بيتكم..اصلا اريد اشكر خوك..بس ماشفته عندك
محمد:هو يجي قبل انت ماتجي..ويجون عيال خالتي معه
حسام:اهااا...انا عندي رقمه..بجيكم ليله اسلم عليه وعليك..شرايك..؟
محمد بفرح:طيب
حسام:يالله بروح الحين..تريد شي..؟
محمد:اذا حصلت ختي قولها تجيني
حسام:ان شاء الله..يالله ع خير


(وحسام كان مار..اول شي ما شافها...كانت هي جايه من الممر الثاني..لما سارت عند خالتها
شافها حسام وأشر لهاا ع الحجره..وقالها..)


حسام:محمد يريدش..!
منى:ألحين أجيه..(وراحت)


يتبع..

[فديـ ظفارـت]

اليـــــــــوم الثــــــــاني...


الموقع:السعاده_بيت المرحوم_حجرة حسام
الوقت:الساعه 11 فالليل


(كان حسام بيخبر حمد الي كان عنده..بسالفه البنت الي شافها...)


حسام:هم كأنهم بدو..مش من المدينه...كلامهم بدوي
حمد:هههه وانت نشعت ع البدو الحين...؟
حسام من قلبه:ولاهي بس هي وااااااااااااااهي ياعمري
حمد:ههههههههههههههههههههههههههههه
حسام:هههههه عاد علي مانشع...ثقل ثقل الصغيره
حمد:ليش قستها ههههههههه
حسام بيضربه:هههههههههه


(وكذااا...علق عليها حسام...بنفس اليوم..بعد مارجع حمد للبيت...كان مروان سهران بيشوف
مسلسل أجنبي مضحك في mbc4...جى عنده حمد بيشوف معه..)


الموقع:السعاده_بيت بوحمد_الصاله
الوقت:الساعة 1ونص فالليل


(يوم جت الدعايه...جلس مروان بيكلم حمد خوه..بعدين حمد كلمه عن سالفه غاده..)


حمد:بكره بسير عند عمامي بيت بوعبدالله...وبفسخ الخطوبه
مروان:الحمدلله انها ماكانت رسميه..يعني كم من حد عرف بها...لو كانت رسميه
بينتحر عوض هههه
حمد:هههههههه..اصلا كله منك..ماتتكلم مافيك لسانك..!
مروان بتهرب:بتشحك فيني الحين..ايش دراني بتقحم وبتخطب
حمد بيتفوه:المهم..انا بسير انام


اليــــــــوم الثاني....


الموقع:السعادة_بيت بوعبدالله_مجلس الرجال
الوقت:الساعه 8 فالليل


(صَلــووا جماعه...وبعدين جلسوا بيكملون سوالفهم...كان حمد للحين مافتح موضوع الخطبه
كان متردد..وماهو عارف ايش يقول..مع انه كان مرتب نفسه ع كلام...بس طار منه...)


سعيد:هههههه الله يريح عليك
مروان:هههه سكت انت مادريت بشي..بتستهزاء بقدراتي ههه


(طالع حمد مروان خوووه..وعطاه نظره..فهمها مروان ع الطاير..سحب نفسه
وسحب معه سعيد...وطلعوا بره المجلس...)


حمد:ياعم عندي لك كلام اريد اقوله..(وخبره كل شي)


(سكت ابوعبدالله فتره..وبعدين أبتسم وقال..)


ابوعبدالله:مدام ان البنت للحين ماردت علينا خبر..وصار لنا شهرين...تعتبر الخطبه ماتمت
وأنت لك الحق اذا تريدها او تريد غيرها..وكل شخص له نصيبه وبيجيله
عبدالله:والنعم فيك ياولد العم بكل الحالات
حمد بأرتياح:مشكـور ياعم..(وسلم عليه..وسكت عاده محرج منه)


(عبدالله حس ان حمد مستحي...وطلب من والده الاذن انهم يطلعون مشوار...وبوعبدالله
ماوقف قدام اختيارهم...وطلعــوووا...)


حمد:كل شي تم ع خير الحمدلله
عبدالله:ماشفت وجهك كيف صار ههه
حمد:هههههه..خفت والله لايفكر شي غلط
عبدالله:لا الوالد فهم وضعك..وحوطه عوض طلع..هههه
حمد:لكن ونعم الشباب...بيريحها
عبدالله:زين زين بلا كلام مسلسلات..خلا بنروح نتعشي في مطعم
حمد:ههههههه خلا


(بنفس اليوم...)


الموقع:السعادة_بيت المرحوم
الوقت:الساعه 11 فالليل


(في حجرة عوض...كان جالس بيشوف لابتوبه الجديده الي اشتراه...وبيستكشف
مميزاته...وعنده محسن بيشوف التعليمات واغراض الابتوب...)


عوض:هذا السي دي مال ايش..؟
محسن:دريت به..إن كان حد يستخدمهن هذينا..يمكن اكثر شي لما يجي للكمبيوتر
فيروس..تقدر تستفيد منهن..!
عوض:زين دخل السيدهات في الكرتون...وزلع به لفوق الكبت


(ومحسن بيشل الكرتون وبيحطه فوق...سمع صووت رنه...جت رساله لـ عوض
من عند مروان بن عمه...)


"مبـروك ياعريس"


(عوض مافهم شي..ورسل له رساله..)


"وارك كحفت ايش؟"


(ورد عليهـ...)


"لاماكحفت00فسخ حمد الخطوبه"


(جلس عوض بيقري الرساله فوق الـ7 مرات...ماهو مصدق كيف بسرعه صار
لان كان ع باله السالفه راح تطول اكثر واكثر غير الشهرين الي مضواا...بااانن ضروس عووض من الفرحه
وجلس بيضحك..محسن ع باله جن...)


محسن:جالك مس ولاشي...؟
عوض ضحك اكثر:ههههههههههههههههههههههه
محسن:الله لا آله الا هو الحي القيوم............
عوض كفخ محسن:ههههههه لا يالطير...حمد فسخ الخطوبه
محسن بفرح:ههههه بالله عليك
عوض:والله جد


يتبع....

[عـزتيْ فيْ سموْ ذآتيْ]

الي بعده ^^

[أرويكان]

هلا اختي فديت ظفار القصة كثيير روووووووووووووووووعة و انا مسجلة في المنتدى علشانها و اتمنى لك دوام النجاح اديم و استمري في ابداعاتك

[crizygirl94]

فديت ظفار بليييييييييييييييييييييييييييييييييييييييييييييز البارت اللي جاي بسرررررررررررعة بصراااااااحة القصة رووووووووعة

[فديـ ظفارـت]

^_^

شكــــــــــــــراً أخوااتي ع الدعـــــــــم المعنوي لي .. وإن شاء الله تعجبكم النهايه
وراح انزلها كامله عشان خااااطر عيوووونكم الحلوة ^_*

الله لايرحمني من هذي الردود

[فديـ ظفارـت]

اليــــــــوم الثاني...


الموقع:السعادة_بيت ابوعبدالله
الوقت:الساعه 1ونص الظهر


(كانت غاده في حجرتها بتكلم خلود خت حمد+مروان...وبعدين سكرت من عندها
واتصلت عليها منى بنت خالتها...)


منى:آلوه..
غاده:آلووين
منى:كيفش يالدبه..؟
غاده:هههه الحمدلله وانتي كيفش يالدرام..؟
منى:وااااهي تكونين فداي هههه..زين الحمدلله
غاده:يش بتجين عندنا اليوم..؟
منى:عليش نوور...كنت بتصل عشان اتخبرش اذا بتروحين مكان
غاده:بس تماام تعالي مابسير...بجلس في بقعتي
منى:بعد المغرب بجي...اول شي بروح السوق وبعدين برجع عندكم
غاده:اوك بس تمام..
منى:يالله ع خير
غاده:مع السلامة


**بعـــــــــــــــد مــرور أربــــــع سنـــــــــــــوات**


(صـاااار عمــر غاده 21 سنــة...وصار عمر عوض 23 سنة...وهم الحين مخطوبـين رسمي...وكل واحد فيهم انشغل بأشغاله..غادة في دراستها..وعوض في شغله بالشرطه)


الموقع:السعادة_بيت المرحوم
الوقت:الساعه1ونص الظهر يوم الاربعاء


(قيس*سنتين..ولد زيد البكر..كان نايم ع الكرسي في الصاله..وجنبه ندى امه..جالسه وحاسه بنوم
قدام شاشة التلفزيون...دخل عليهم عوض..وتعمد يحط أغراضه ع الطاوله الي عند الباب
عشان يسمع الناس انه جى!...)


عوض بأرهاق باين عليه*23 سنه:السلام عليكم..(ويرمي قبعته..ويطيح ع الكرسي)..ااخ
ندى بتتعدل بجلستها*23 سنه:وعليكم السلام..كيف الشغل مع جو بوخريقه؟
عوض:ههههه عذاااب عذاااب..ثومي قده بيطلع دم من الجفاف ههه
ندى قامت:ههه من تقشاح..ياعوض انتبه ع قيوسه..بروح اقول لشغاله تحط الغداء
عوض:زين..ووين امي؟
ندى:في الحجره بتدخن الثياب
عوض:اها...زين..(وقام راح عند قيس يتأمله وهو نايم)


(قامت هي تقول لشغاله تطرح الغداء..وراحت تنادي خالتها ام زيد..وبعدين راحت جناحهم)


زيد خرج من الحمام*28 سنه:جيعاااااااان
ندى:هههه الحين بيحطون الغداء يالله نزل
زيد:شليني هبااا
ندى:هههههههههههههههههههههههههه قيوسه كبير قدامي وانا مدري
زيد:ههههههه تعرفين لو صرت وزير اول شي اريد اسويه ايش؟
ندى بفضول:ههه ايش؟
زيد:بشتري رجل آلي ههههههههههههه
ندى:هههههههههه وووي ياعمري ع بالي شي زين
زيد:ههههههه..(ويمسك يدها عشان ينزلون)


(تحت كان الكل متجمع..حسام*26 سنه,عوض,محسن*21 سنه,وام زيد...والاكل جاهز..)


زيد بهيبة رب البيت:السلام عليكم
الكل:وعليكم السلام...(بسم الله..وكلوا)


بنـفس اليوم


الموقع:السعاده_بيت ابوعبدالله
الوقت:الساعه 3 الاربع



(محمد بعد ماخلص دراسته برا..كان جالس في الصاله..بعد الغداء..وبيقري ملفات تتعلق بالشغل
وجنبه أم عبدالله وبوعبدالله بيتكلمون وبيشربون شاهي...)


ابوعبدالله:عاده شارع الي شفتي يوديش لقدى المغسيل..ايوه بغاله يتعدل
ام عبدالله:هم كل مابيسون شي في صلاله..يقولون ماشي ميزانيه
ابوعبدالله:ماحصلوا حد يضغط عليهم..بس ماعليش ماقصر بوحمد
ام عبدالله:الله يعطيه العافيه..(تغير السالفه)..تريد عادك كوب؟
محمد يقاطعهم:وصبي لي..ماني قادر اركز بالشغل..(ويرمي الملف ويفرك راسه)
ابوعبدالله:اتصل في بشير..وخليه يجب الملف
محمد:المغرب رايح له وبشله..(ويشل من امه الكوب)..عشتي


(ينزل من فوق سعيد*20 سنه وهو بيصفر..ومبتسم لهله..وفي يده مفتاح سيارة محمد)


سعيد بسلام شبابي:سلااااام
ابوعبدالله:وعليكم السلام والرحمه
محمد لمح مفتاحه:لوين؟
سعيد:بشل سيارتك..بروح اجيب دشاديشي من الدوبي
محمد بتنهد:اه زين لاتحوم بغيت السيارة
سعيد:don't worry .. ههههه
محمد:زين مستر سعيد..(ويمد يده يعطيه فلوس)..غسل السيارة
سعيد:طيب..يالله حياكم
الكل:مع السلامة



(أمــا فوق في حجرة غادة..كانت بتكلم في التلفون مع صديقتها..عن التخرج)


غاده:زين مين الحين الي بتروح تفصل..سمية ولاعبير
فاطمه:لاسميه قالت ختها الصغيره مرقده..عبير بتروح
غاده:يويو الله يشفيها..!
فاطمه:غاده بسكر بتجهز بروح عند جدودي
غاده:زين يالله ع خير
فاطمه:ع خير..(وسكرت)


(نزلت غادة من فوق...وهي بتفكر في التخرج..وايش الشي المميز الي يمكن يقدرون يسونه...ويوم شافت
امها ووالدها يبتسمون لها..نست كل شي..)


غاده:السلام عليكم..(وتسلم ع امها ووالدها)
الكل:وعليكم السلام


محمد بترجي:غاده هاش شلي هذا الملف..وشوفي هذا الرقمين نفس الشي..(ويعطيها)
غاده:شرايك تشغلني عندك سكرتيره ههههه
ابوعبدالله:شتريدين في الشغل؟
غاده:هههههه وي وي خلاص بيسون لي مشكله
ام عبدالله:ماعد بتشتغلين مع الرجال لو ايش
غاده بدلع:ومين قال اني بشتغل..بدلع نفسي وبعتني بعمري..بدال البهذله
ام عبدالله عارفه بنتها:ههههههههه هذي شغلش
محمد:غاااااده
غاده:زين زين..(وتعطيه نظره عتاب)
محمد:غااااده ماني فاضي لش بسرعه
ابوعبدالله وقام:بروح عند بيت بن...
ام عبدالله:ع راحتك


اليـــــــوم الثانــــــــــــــي..


الموقع:السعادة_بيت المرحوم
الوقت:الساعه 12 نص النهار يوم الخميس


(كــان محسن نايم في حجرته..وعوض نايم نفس الشي في حجرته ومسكر الباب
امـا زيد وحسام...قايمين من الصبح..وجالسين مع امهم وندى..)


ام زيد:حسام ماعد بغيت تتزوج
حسام:هههههههههه عشان
زيد:يارجال قدك 26 .. عوض هو الي اصغر منك خاطب
حسام:ههههه لا اله الا الله..يوم هاك السنة خطب..زين هو حصل الي يريدها انا ماحصلت
ام زيد:انته مابتحصل..نحن بندور لك
حسام يريد يحفف بامه شويه:لايمه الحين الناس تطوروا..ماعد صاروا يتزوجون كذا
زيد فهم حركات حسام:هههههههههه جى الشغل جى الشغل
ام زيد بعفوية:ليش ولاكيف الحين يتزوجون؟
حسام:الحين تتعرفين ع البنت واذا عجباتش تتزوجين عليها
ام زيد:الله بالستر..وكي اذا ماعجباتك تسير وتخليها؟!
حسام:يالله ولابحجرها عشان نحايري؟!
ام زيد بعصبيه:كي يوم قد عرفت الصغيره..ماعد تتزوجها..ايش من شغل هذي؟
حسام:هههههه ولاعاده في منهم الا يتمشون مع بعض ههههه
زيد طاق عليه الضحك:ههههههههههههههههههههههههههههه الله ينعل بليسك
ام زيد فار دمها وقامت:هذي الزمن لا باطل قده..الله يجيرنا
حسام:هههههههههههه لالاجلسي حلفت حلفت
ام زيد جلست:شووف في صغيرة ااني حاطه عليها العين..انت بس قول تم
حسام بدون مسؤوليه:تم هههه
زيد:ههههههه عز الله بيرتفع ضغطها اليوم امي هههههه
ام زيد:شفتي ياندى شغل بن عمش كي؟
ندى الي كانت تلاعب قيس:هههههههه والله ياخاله اذا بغى بيقول..عاده شال الدنيا راحه ههه
حسام:هههه لا انا من ناحية اريد اتزوج ايوه اريد..الكذب خيبه..بس مين الصغيرة الي بتقولين عنها؟


(وطـــــال الحديث حول هذي المسائله ^.^ )


يتبع...

[فديـ ظفارـت]

**بعــــــــد مــــــــــرور شـــــهــر**


(تم التخرج ع خير...وصارت غاده خريجــه وانتهت من دراستها..وكانت ام عبدالله وابوعبدالله فخورين فيها
كثير...طبعـاً يعتبر هذا من بـر الوالدين..ولانهم راضين عليها ربها وفقها..والكل بارك لها ع التخرج
وماكان عندها وقت كثير..لان عرسها في الاجازة بشهر سبعه...)


الموقع:السعادة_بيت ابوعبدالله_حجرة غادة
الوقت:الساعه5 ونص بعد العصر شهر سته


(كانت ام عبدالله جالسه عند بنتها في الحجره..ومعاهم الشغاله..وجالسين بيرتبون الغرفه
وبيحاولون يحصلون مكان من اغراض العرس الي ملت الحجره بكبرها..)


ام عبدالله:لو كان عاده الغرفه شويه وسيعه كان زين
غاده:هههههههه عادش بغيتيها تكون وسيعه اكثر من كذا؟
الشغاله:ماما هدا مافي إدخُل
ام عبدالله:خليه مكانه مافي مشكله..انتي سيري وسوي شاهي


(نزلت الشغاله تسوي شاهي..وجلست ام عبدالله وبنتها يرتبون باقي الاغراض ويشوفونها..)


بنفــــــــــــس اليوم..


الموقع:السعادة_بيت المرحوم_المجلس
الوقت:الساعه ست قبل المغرب شهر سته


(كــان عوض ومحسن جالسين في المجلس وبيدخلون الترامس ع عمهم وعياله حمد+مروان..وكان حسام
وزيد معاهم بيكلمون عمهم الوحيد...وبيتكلمون عن الشركة واوضاعها..ومعاهم محمد خو غاده
لانه يشتغل معاهم..أمــااا في الصاله..كانت ام زيد وام حمد وام عبدالله..جالسات مع بعض
وسوالف الحريم الروتينيه...ويوم خلصت الزيارة..كانت ام زيد في الصاله مع عيالها ومرة ولدها)


ام زيد بأرتياح:ماعد صاروا الناس يلتمون كثير زي زمان..ع الله زمان الماضي
كل مرة يدخل عليك حد البيت..الا عيب اذا ماكانت القهوه جاهزه..
زيد:ماقصر والله عمي..الله يعطيه العافيه(وبيقول في قلبه.."الوحيد الي اشوفه مثل والدي")
عوض:صح وين محسن؟
حسام وهو بيكل كورنفلكس:في المطبخ


(قام عوض..وراح المطبخ..وشاف محسن جالس بيطعم كيك..)


عوض ضرب محسن في خورته:بتسوي ايش؟
محسن استوجع:ااااح..بسوي خشمك بسوي
عوض ابتسم:ههه اها زين..تعال بسألك..انت ومروان ايش فيكم؟
محسن:ماشي بس مروان فهمني غلط في شغله...(وسكت)
عوض قرب منه:وايش هي هذي الشغله؟
محسن:ماشي مهم
عوض:ايش هي بسرعه؟
محسن ماشي اللهم اني يوم شفت خلود خته هاك الليله في بيتهم بدون غطايه
وعور يوم ماوخرت عيوني منها..قال اني خنت ثقته الي عطاني اياها
عوض:ههه اها..زين وانت عشان كنت بتحالي في الصغيرة بدون غطايه؟
محسن بخوف:ما انتبهت لنفسي علقت
عوض ابتسم:ياولد لاتكون بتعجب وخوك مش داري بك؟
محسن:هههههههه لالا والله لا..اصلا لو بعجب في وحده بتكون اصغر مني مش عباري
عوض:زين زين..(وطلع)


**بعــــــــــــــــــــــــد مرور شهر ونص**


(جــى اليــوم الي طال أنتظاره..$عقد قران عوض+غاده$...الكل كان في البيت جاهز..وقايمين من الصباح
وكل واحد بيرتب نفسه وبيتاكد من اغراضه...)


الموقع:السعادة_بيت المرحوم_مجلس الرجال
الوقت:الساعه 12 ونص شهر سبعه


(كــان عوض مرتبش بشكل مو طبيعي..وربش خوانه كلهم ووترهم..عداهم من التوتر الي فيه هههه..)


حسام:يالله الرجال جى..(راح ورجع)..شوف هدي زين..مفروض تكون فرحان
مش متوتر
عوض:ايوة انته ايش عليك..بترجع بعد فالليل وبتحط راسك وبتنام ماورايك شي مسؤولية
حسام:هههههههههه حط ضربك ع يدك وقالك تزوج..وبعدين يابابا انت الي فضحتنا في صلاله كلها
وكلهم لقبوك روميو زمانك..وجلست بتفرفر فوقنا عشان نزوجك غاده..وهاك جاك اليوم الي تريده..صبر وثبت
وخلي الرجال يمصرك زين..ولا اذا ربشتني زياده بعطيك بكس واحد في عينك ههههه
عوض:ههههههههه فلح العريس


(جلس الولد بيمصر عوض..وعوض كل شويه يحرك رااسه ويتحالي في المنظره..وحسام يعطيه كم
من كلمة زي السم هههههه يريده يخلص ويفتك...)


الموقع:المسجد
الوقت:الساعه 3 ونص شهر سبعه


(كــانوا الرجال والشباب بيتجمعون في المسجد..وكل مرة يزيد حد..وجى العريس واصحابه..وتم عقد القرآن
وسلم ابوعبدالله ع زوج بنته..وبارك له وتمنى لهم الخير بحياتهم...وقاموا الشعب العمـاني ^.^ يسلمون ع عوض..
وهلكـووه...وسوا الهبوت..وبعد ساعه صاروا تحت البيت..ودخلوا الرجال في المداره..وتحمسون..الي بيشتبح
والي بيقزح..والي بيوجب..والي عيونه بيشرقن لفوق لقدى الحريم خخ..والي بيعدل دشداشته..هههههه يعني ربشة العرس..ويوم تبرعوا ولعبوا الرجال الشرح..سكروا لان وقت اذان المغرب قرب...)


الموقع:السعاده_بيت المرحوم_مجلس الرجال
الوقت:الساعه 11 ونص فالليل


(كـان في مصورين جايين يصورون عوض..وطبعا كل شويه يسوي عوض حركه..شي بالبندقيه..وشي بالسيف..وشي بالباكوره..وصوروا كلهم حتى قيووسه الصغير..وبقت الصور لذكرى...)


**بعــــــــــد أسبوع**


(يــوم العـــــرس..والحريم أدرى بربشة يوم العرس..صالون وتعب وجوع حتى هههه
ع الساعه 9 ونص فالليل...كل الحضور صاروا في الفندق..وللحين كانت غاده او بمعنى أخر العروس
مادخلت..وكانوا الحضور بيتعشون..يوم خلص العشاء بساعه..شغلوا الزفــه الخاصه في غاده
والي كتب كلماتها عبدالله خوها..اهداء لها...كانت غاده طالعه مثل القمر في عز الشهر..وكل العيون عليها
وهي تدخل بخطوات ثقيله..وبرجفه يد..وخوف ممزوج بخجل وتعب..جلسوها في الكوشه..وشغلوا رقص
والكل استمتعت بالعرس..وتم ع خيــر..ع نهايه اليــوم..دخل عوض ع العروس..بعد ماراحوا المدعوين
ومابقى غير اقرب الناس للعرسان..كان عوض فرحان بشكل مايوصف..راحت الربشه منه..وراح التوتر
وكان في القاعه هله وعمه وبنت عمه وامه واقاربه المقربين..شلوا لهم كم صورة..وبعدين راحوا بيت العرس..ودخلوا
جناحهم الي كان رهيب مرة...وهناك كان التعليق ع عوض وغاده..الي يقوله سوي كذا..وهو مايكذب خبر خخخ
والي تريد تحرج غاده..والي والي...وكان العرس ولا أروع..)


%ودامت ديــــــاركم عامرة بالافراح والمسرات%


>>>> سمحولي متاثره بالدعاوي هذي الفترة خخخخ


أتمنى أن القصه نالت ع اعجابكم..واسمحولنا ع القصور
وبأنتظاااار تعليقااااتكم الحلووه وانتقاداتكم ان وجدت !


في امان الله.


اختكم : فديـ ظفارــت

[crizygirl94]

هههههههههههههههههههههههههههههههههههههههههههههههههه ههههههههههههههه مشكووووووووووورة على القصة بصرااااحة رووووووووووووووعة والاحلى انها بالظفاري بصرااااحة متعتينا

[أرويكان]

هلا اختي فديت ظفار كنت أتمنى ان القصة تناقش قضية او مشكلة أجتماعية بس القصة كانت حلووووووووووووة لانها بلهجة الظفارية و هذا اللي ميزها تسلمين حبيبتي على القصة و ما قصرتي تقبلي تحياتي

[فديـ ظفارـت]

كريزي جيـرل .. شكراً اختي ع المرور والحمدلله انها عجبتكِ ^_^
اروكـان .. صار خيــر حبيتها تكون بسيطه .. وخليت مناقشه القضايا الاجتماعيه لـ رواد المسرح الظفاري .. شكراً لكِ اختي الكريمة ع ردكِ .. والحمدلله انها عجبتكِ

تسلمــون ع الدعم ^_*

[عـزتيْ فيْ سموْ ذآتيْ]

عجبآتني آلقصه بس مآ توقعت آلنهآية هيكآ ..
يعني ايش شي ثآني توقعت انه بتصير مشاكل اكثر وهيكا بس كانت القصه بسيطه ^^

وحلوة

[.: خـيـال :.]

ألحين باقري القصة::""
وأكيد بتكون حلوة::""

إنتظري التعليق::""

تحيتي"""::حقيقة لا خيال::""

[.: خـيـال :.]

وربي إبداع القصة شييـــــــــــــــــــــــــي::""
والاحلى فيها يومها بسيطة وظفارية::""


منتظرين جديدك خيتوو::""
تحيتي"""::حقيقة لا خيال::""

[فديـ ظفارـت]

عزتي ههههه اصلا انا رقعتها اريد اخلصها .. لان وقت الدراسه مستحيل افضي لها
مشكوووووره خيتووه
حقيقه لاخيال هههههههههه الحمدلله انكِ شفتيها حلووة مشكوووووووورة اختي

^_*
تسلمـوووون