السلام عليكم ورحمة الله وبركاته
هالموضوع ماعرفت وين أحطه .... قلت أخليها على أصحاب الشأن المشرفين الأفاضل ...
**الموضوع جدا" عادي وبسيط وخفيف**
بسم الله
أولا"
عندي إقتراح!!
جاتني البارحه فكره وملهمتي طفله .....
وش راي العصابه ورئيستها تسونها منافسه بين أطفال أعضاء المنتدى سواء" عيالهم خوانهم أقربائهم جيرانهم بس العمر شرط مايطلع عن 4 أو 5
مجرد فكره وإقتراح ولكنّ وللجميع إذا رغبتم الحريه في القبول أو الرفض ؟ ^_^
أو نخلي المجال مفتوح للمشاركه والعرض هنا في هذا الموضوع بدون مسابقات؟؟
...
بخبركم السالفه
بنت خالي بنوته حبوبه صغيرووونه وماشاءالله عليها ذكيه وحركه عمرها 4 سنوات
نزين جات عندي أنا وأتصفح المنتدى
(( قسم الفنون التشكيليه والتصوير))
وماخلتني آخذ راحتي في القرآءه المهم قالت لي أبا أرسم !!
عطيتها ورقه وقلم واللوان وبدت فالرسم وكل ما ابغي أنزل بالماوس وتشوف توقيع او صوره أو رسمه...لأحد الأعضاء توقفني عشان ترسمه طبعا تختار اللي يعجبها وأكثر شي حبت الوجوه الصفراء الصغيره
المهم
رسمت
(شمس المفكر الفطن اللي فتوقيعه)...
(وحصان ون نايت) قالتلي أبا أرنب دورتلها وماحصلت وراويتها الفرس!!...
(وتوقيع وندرفوول قالت عنه شوكولا)!!....
(وصورة الطفل بشنب عند ضابط الامن والسلامه).. هنا ماوقفت ضحك ..
(وصورة البنت عند غربة إحساس)...
(وسمكة مايكبرني لقب)...
ولونت وخلصت والورقه ماشلتها معاها عاد من هنا جاني الإلهام!!
وبس ..
بغت تكمل وتزيد يحليلها بس خالي ناداها وسارت بيتهم ...
لا تتخيلون وايد
بحط الرسمه لأن الكلام غييييييييييييييييييييييير والرسمه غييييييييييييييييييييييييير ..
عاد كل واحد ذكرته يدور الشي إللي يخصه هههههههههههههههههههههههههههههه
ومن الجميع السموحه