تخيلوا لو الحريم يسوقن/نايف عرويل

[(شموخ)]

http://www.youtube.com/watch?feature...N9zxELY_U#t=1s


تخيلوا لو الحريم بيسوقن = ونلقالهن في كل شارع طرايف

تلقا العجايز فالشوارع يدورن = وسيارة الاسعاف ترقب حتايف

وليا تأخرنا دقايق يصيحن = ثم اركبن فوق المواتر ولايف

وقامت تكبسلك بالانوار ياهن = بين اخوياك وصرت محرج وخايف

وتخيلوا لو ذات يوماً يمرن = عليك دوريات والجمس طايف

ويوم اطرحوه يصير موقفك محزن = تلقا العجوز مكلبشه ياحسايف

وتلقا البني في كل جلسه يتكن = طقة بلوت ومعهن الكيف كايف

هذي تبا تحكم وهذي تبا صن = والبيت ضايع دون طبخ وغرايف

ياللي ذنوبك فوق راسك يحنن = اللي فقلبك طلعته الشفايف

انظارنا من فوق فكرك يشوحن = ونشوف شيٍ ماتشوفه ياهايف

حق المره ياشيخ تلعب على من !! = خبلان حنا قلي ويش انت شايف ؟

وين انت عن صوت الارامل ينوحن = وين انت عن حق المره فالوظايف

وين انت عن جملة بناتٍ يضيعن = وين انت ياراع العلوم النصايف

لوهي بيديكم كان قلتوا يغنن = لكن صدمتوا فالجبال النوايف

من دونهن حنا وفقلوبنا هن = الطاهرات الساجدات العفاايف

والمسئله لاصار لحقة شرفهن = يروح فيها يا آل زلفه طوايف

هذا كلامي واسمعه زين واذعن = قلته ولاني من تواليه خايف

قلته واباقف وارفع الصوت واعلن = ارادة الامه على لسان نايف

ماهو تخلف لارفضنا يسوقن = راس التخلف لاتركنا العطايف

[ميرندا تفاح]

واو

طرح رائع ..شكرا

[الأشاوس]

وانتي الصادقه

[(شموخ)]

واو

طرح رائع ..شكرا

[(شموخ)]

وانتي الصادقه

[لحظة صمت]

والشوارع ما ترحم كل متعلم وخايف.. ^_^

[(شموخ)]

والشوارع ما ترحم كل متعلم وخايف.. ^_^

[ضوء نص القمر]

وتخيلوا لو ذات يوماً يمرن = عليك دوريات والجمس طايف

ويوم اطرحوه يصير موقفك محزن = تلقا العجوز مكلبشه ياحسايف


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ




ظريف ظريف هالشاعر
^_^
شكرا على النقل
وبانتظار جديدك
كنت هنا..
ضوء نص القمر
ع.ق