النتائج 1 إلى 3 من 3

الموضوع: اربعه في سته

  1. #1
    الصورة الرمزية Glory
    إنا الآن Glory غير متصل
    رقم العضوية : 56588
    تاريخ التسجيل : Sep 2018
    المشاركات : 1,517
    الأقامة : بين المريخ وزحل
    الجنس :

    الجنس ~

    دولتي :

    دولتي

    SMSالتفاؤل نعمه من الله

     

    اربعه في سته

    الســلام عليكم
    هذي قصيدة عجبتني وحبيت انقلها لكم ...
    ثلاث سنين انا اخطط لهذا اليوم يا بو سعود
    تيسّر حالي و جاهز اوفّي وعدي بوقته



    و فجأه جتني تتعذر .. تقول تأخَرَت لوعود
    و انا مستغرب و اسمع كأني وعدها خنته !!


    حسبت انها تمازحني و تتصنع جفا و صدود
    ضحكت بوجهها من قلب.. مع انْها بايخه النكته


    و قالت ارضى بالواقع .. قلبي ماهو المعهود
    تغير كل شي صوبك .. نصيبي ما اظن انته !!


    كنت ف يوم محبوبي و لكن ما اظن نعود
    وصل من قبل ما توصل .. و انا ذاك الصبر عفته


    و لكن تكفى صدقني و يشهد ربي المعبود
    ترى ما خنتك بغفله .. ولا كلمته و شفته


    صراحه اهلي قالوا لي بأنه ولد اصل و جود
    و جتني امه بالصوره .. و بكلمات المدح اخته


    سكت و قلت هي فرصه مدام الجود في الموجود
    و قالوا كل من حولي علامات الرضا سكته

    و انا فكرت دام امه و اخته ما عليهم زود
    اكيد اني براضيهم اذا وافقت و اخترته


    و اراضي اهلي و اخواني مدام ان الفرح مقصود
    عطيت الناس انا كلمه ومعاهم وقتي حددته


    و لا اقدر اغيرها .. ترى عند العرب منقود
    اوافق و اعتذر باجر و اقول الراي غيرته !


    تبي تشرح لي المنقود .. تصدق عاد يا بو سعود؟
    تبيني اقتنع و ارضى بحال ٍ عمري ما عشته

    انا ماني بقايلها .. عسى يفرش ثراها ورود
    بعد ما حطمت قلبي و طعم الموت جربته


    عسى بفستانها اشواك .. و في ثوبه عقارب سود
    و نار ٍ تحرق الكوشه و تحرق بيتهم حتى


    و موت بليلة الدخله يبرد حرتي يا كود
    ولا احس انها بحضنه يلامس خد لامسته


    علي اهون اذا ماتوا ولا بنفس السرير رقود
    ترى صعب ٍ علي اتخيل اللي ما تخيلته



    عسى قاع الثرى يقسى و يتحول صخر جلمود
    و حفار القبر يرفض يسوي فوق مقدرته


    ترى دفنة عديم الذات تلوع حتى كبد الدود
    و من خان العهود و مات تعافه حتى مقبرته


    عسى ربي يجازيهم بحبل ٍ من مسد ممدود
    يعلقهم من اطرافه و فوقه نار ٍ و تحته

    انا ماني حقود و شين ولاني من نسل نمرود
    ومن حط نفسه بوضعي بيقول اللي انا قلته


    مدام الفعل له ردة فعل والله ابشري بردود
    بدعي دامني حي ٍ و بغرس للدعا نبته


    و بسقيها نزيف القلب و دمع ٍ ما رحم لخدود
    و تكبر و الثمر ثاري من اللي خانني و صنته

    انا نذرٍ علي اكتب و افجر هالقصيد رعود
    و اسمّع كل بشر صوتي عجبته ولا زعلته


    و اردد للي يسمعني .. اذا حبيت ( حط حدود )
    انا حبيت دون حدود و شوف اللي تكبدته


    ثلاث سنين انا ابني و جت ( صوره ) بكل برود
    خذت مني شقى عمري و حلم ٍ ( قلت ) حققته !!!


    ثلاث سنين انا اخطط لهذا اليوم يا بو سعود
    وتوافق من كلام اخته .. و صوره ( 4 ف 6 )


    الشاعر/
    فهد معتوق - ساقي الشوق

  2. #2
    الصورة الرمزية Um Jassam
    إنا الآن Um Jassam غير متصل
    رقم العضوية : 42348
    تاريخ التسجيل : Jul 2011
    المشاركات : 2,076
    الأقامة : الباطنة
    الجنس :

    الجنس ~

    دولتي :

    دولتي

    مزاجي اليوم :

    مزاجي اليوم ~

    SMSوإن ضاقت بك الاركآن يومآ .. فركن الله باقٍ لايضيق ...!

     
    MMS :

    MMS~

    العنوان ملفت
    الف شكر لما نثرته من احساس وخيبة امل... قصيدة رائعة رغم الالم والشجن الكبير
    اعان الله قلوب العاشقين


    طاب يومك عزيزي
    لآغاب عنك اللي من النآس تغليه
    تضيق نفسك من جميع الخلايق "..

  3. #3
    الصورة الرمزية Glory
    إنا الآن Glory غير متصل
    رقم العضوية : 56588
    تاريخ التسجيل : Sep 2018
    المشاركات : 1,517
    الأقامة : بين المريخ وزحل
    الجنس :

    الجنس ~

    دولتي :

    دولتي

    SMSالتفاؤل نعمه من الله

     
    والشكر موصول إليك أختي الفاضله على المرور الطيب الذي أنار للقصيده نوع من الضوء...
    أحترامي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 لا تمثل المواضيع والمشاركات المطروحة في ظفار المجد مسؤلية الإدارة والمؤسسين والمنتسبين، إنما تحمل مسؤلية و وجهة نظر كاتبها