قال بو فارس،،،

اللي يبيك يجيك ما تمنعه اعذار
لو كان في عالي المراقب سكونه

لو من شمال عمان حتى إلى ظفار
بعد المسافه قصير والله،،، دونه

ينومس خفوقه ويذكرك وين ماصار
من وده المكنون لأجلك يصونه

صنف القرابه غير كالاهل والجار
وهي نخوة الانسان ترفع ميونه

لولا اختلاف الوقت بليل ونهار
ؤسير الفلك بحساب مجرات كونه

ما كان بالدنيا من ناس أشرار
منها الخير وغير بدل بلونه

هذي اختلافات ك القحط ولانهار
قلب ن وسيع وقلوب حقد ن كنونه

يامطفي بالماي ويا موقد النار،
هذي تعدها فنون ولهذا فنونه

خلك شموخ الدوم بالعز صبار
ما تهزك ريح العواصف ركونه

اللي يبيك يجيك ما تمنعه اعذار
لو كان في عالي المراقب سكونه
،،،،،،
اعذرونا الربع ما هي إلا هواجس عابره دمتم بخير¨