||~ رسائل لن تصل أبدا ||~

[راقي بذوقه]

وإن ضما قلبي من الوقت وإجحاف السنين
من مناهل وجهك السمح .. عيني ترتوي..!

[المحب السامي]

البعض ..
فرضته الأقدار في حياتك .. وليس ..
في قلبك ..!

[شبيهة القمر]

كسرت بخاطر الآيام ..~

[راقي بذوقه]

ولا أعاتبك .. لكني أسأل وش الطاري
‏وش اللي حصل يوم إني أطري ع بالك

‏ولا أعاتبـك .. لكنك أبطيت عـن داري
‏جلست أنتظر .. والباب مردود لوصالك

‏ولا أعاتبك .. لكن على زحمة افكاري
‏تمنيت يوم أصحى ع صوت مرسالك

‏ولا أعاتبك .. لكني أعاتب إصراري
‏على إنك حبيبي والزمن ما تهيا لك

[راقي بذوقه]

لقيت رقمه ..بين الأرقام موجود
‏بغيت أدق وقلت ماظن يحتاج

‏دامه بدوني عايشٍ سهود ومهود
‏ماني مسبب له مضره ولا ازعاج

‏تأتيني الذكرى على هبت النود
‏وأتذكر إني كنت لهمومه علاج

‏يطري على وقتٍ به العالم هجود
‏وافتح بقايا ذكرياتي بالأدراج..!

[راقي بذوقه]

‏بعد ثلاث سنين والوصل مقطوع
‏راجع تظنّ العذر يمحي التمادي

‏ليه انتظرت سنين واقبلت بدموع
‏تقول عذّبك المدى .. في بعادي

‏وينك وانا آدوّر على حجّة رجوع
‏يوم اشتياقي كان يجرح سهادي

‏الحين ما لك في دجا ليلي شموع
‏ولا بـ نهاري لك شروق اعتيادي

‏ما للحنين بخاطري صوت مسموع
‏ولا حروف اسمك تجول بـ فؤادي

‏ماعدت متضايق ولا عدت موجوع
‏قبل سنه بالضبط وقّف حدادي

‏مثلك مثل حاكم عن العرش مخلوع
‏لك عهد لكن صرت هالحين عادي..!

[راقي بذوقه]

ولا اخترت إني احبك و لا أحيا بالوهم طمّاع
‏" أنا أمثالي بهالدنيا قليل و حبهم عذري "

‏لا زالت تبحر بموجك سفن عمري بدون شراع
‏عجزت أخطي دروب البُعد واعطي هالوله ظهري

‏أنا الاكذب الا من قلت : صدك ما وراه أوجاع
‏وأنا الاصدق الا من قلت : ما حبك احد كثري

[راقي بذوقه]

فمان الجرح.. لا والله فمان أحزاني الكبرى
‏فمان أغلى ثلاث سنين مت بها عشان أعيش

‏فمان الحب وأحلام القلوب البيض والخضرا
‏فمان الآه من كثر الزعل والشوق والتطنيش

‏فمان عيونك اللي مالها بين العيون.. أخرى
‏فمان غرورك اللي علم الطاؤوس نفش الريش

‏فمان غيابك اللي ما ترك لمواصلك.. بشرى
‏فمان الشك وظنون الخطأ والكذب والتشويش

‏فمان ضلوع مكتوب على أنحاءها اليسرى
‏"هنا توجد جروحي" لو تكرمتي؛ بلا تنبيش

‏فمان دموع لا تسمن ولا تغني من الذكرى
‏وأنا اللي ماقدرت أطلع من اجوائي معك بشويش

‏فمان أشياء ما تنقال للعالم.. ولا تطرى
‏ممالك حب.. دمرها اللعب وسياسة التطفيش

‏فمان الإيش؟ ما أدري.. ولكن الزمان أدرى
‏وانا اللي ضاع مايدري حبيبه ضيعه لأجل أيش؟

‏فمان الله يا قلبي مع أنك جرح ما يبرى
‏كتب علي أعيش من دونك.. وأنا ما أعيش"

[راقي بذوقه]

رغم الشقآ .. رغم التّعب والمعانات
‏وطول السنين وغيبتك .. ما نسيتك

‏حتى ولو سجّيت في بعض الاوقات
‏ما فيه يـوم من الدّعآء .. إلّا نويتك

‏مااقسى من فراقك ومن ماضيٍ فات
‏إلّا (دموعي) .. لا دَلَهْت وطريتك!!

‏ياللي مكانك .. داخل القلب ما مات
‏عقب ( البطآ ) .. ما كنّي إلّا بديتك

‏نعـم بكيتك مـرّه .. وعشـر مـرّات
‏وللحين .. لامنّي ذكرتك : بكيتك..!

[شبيهة القمر]

يمك دروبي وكل الناس يدروا بي ..

[ملغي]

سامحتُ من جرحني، لا لأنهم يستحقون، بل لأن قلبي يستحق السلام.
وهذه الرسالة.. لن تصل لأحد، لكنها وصلت لي.