خريفيات...علي

[عـلي]

ياريت جسر من السعاده لعوقد...
مخصوص لك وحدك بخمسه مسارات

[عـلي]

بدا لي شي...
ذهل عيني
واذهل كل من في
الحي...
أنيق الزي
ولا القى لحسنه زي..
وقامه يعربيه
من قبيلة طي...
احس انه من الوهله
بخده ضي...
كواني كي...
وتعبني معاه
شوي...

[عـلي]

له علامه...
كلما حرك شفاته
او بدا ينثر
كلامه...
وا عذابه
من سمع حكيه
ومن شاف ابتسامه...
ينهمر دمعه
من الحسره
مثل وبل
الغمامه...
من بياضه....
لو تشوفه
من ورا الغشوه
على الخدين شامه...
لا تلوموني
رجاءا
ما على مثلي
ملامه...

[عـلي]

مستتبه...
حالتي بعده
ولا قلبي لعب به...
مستتبه...
لا صدم حلمي
ولا فكري تنبه...
يوم صده
صار لي مثل المنبه
قمت طفيته
وكملت المحبه...
لينما صارت اموري
مستتبه...

[عـلي]

خطا لو قلت
اني صرت أتألم...
على صدك
انا ما زلت
أتعلم...
واتكلم ..
ولو طيفك
بلحظه مر
انسى الصد
واسلم...

[عـلي]

ليش راحل...
وانت لاحساس
الامل مينا وساحل...
كيف راحل
وانت من عشنا
معك
احلى مراحل...

[عـلي]

لا تلوموها
ابد لو هي
تباهت...
نورها باهي
وباقي الغيد
باهت...

[عـلي]

ليلتك هذي
غريبه
كل شي فيها غريب
النسايم والشجون
الاماني والظنون...
والعيون..
اللي تنادي كل طيف
نزعة الجو اللطيف..
والنخيل
اللي ملا سمعك
حفيف...
لا تصدق
من زعم ان المسا
لونه مخيف...
غيم وهدوء وسكينه
لاحظ انوار المدينه
والضباب
واترك النبره الحزينه
والغياب...
لا تعاتب..ما ارى
في الامر
داعي للعتاب...
عيش لحظاتك تراها
تاخذ اللهفه معاها
لو تمر الورد
خلي النفس
تاخذ من شذاها...
فصلك الحالي
جميل
في صباح البرد
او وقت الاصيل
ياترى هل بعد
هذا الفصل
تلقى لك
بديل؟؟؟
لا تحاول


علي...

[عـلي]

في صلاله انتي الاولى بلا ادنى منازع...
حسب تصنيف الاناقه والانوثه والجمال